Isumagisassarput

- Pilersuisoq patajaatsoq akillu aalaakkaasut

logo-polaroil-mid.png

Kalaallit Nunaat tamakkerlugu ukioq kaajallallugu atuisartunut avatangiisinullu naleqqussarsimasunik ikummatissanik imerpalasunik Polaroil pisiortortuuvoq, assartuisuulluni, toqqorsivinniititsisuulluni tuniniaasuullunilu. Gasuulia, timmisartup orsussaa, petruuliu aamma benziina tassani pingaarnertut pineqarput. Kiisalu Polaroil-ip isumagisassaasa ilagaat Kalaallit Nunaanni atuisunut aalaakkaallutillu appasinnerpaanik aningaasartuuteqartitsinissaq.

Ikummatissanik imerpalasunik illoqarfinni pisianik assartuineq ilaatigut Polaroil-imit isumagineqartarpoq, taamaattorli aamma piffiit ilaanni isumaqatigiissuteqarluni ikummatissaarnianit isumagineqartarluni. Polaroil sinnerlugu ikummatissanik Pilersuisoq nunaqarfinni tuniniaasuuvoq.

Polaroil-imi isumagisassat nutaajunerusut ilagaat suliffeqarfissuit nunarsuup ilaaneersut Kalaallit Nunaanni oliaqarneranik aatsitassanillu misissuillutik aallartissimasut pilersorneqarsinnaanerat.


Polaroilip susassaqarfianut tunngasut allaatigisat


 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl