Siunnerfipput

- Isumannaassuseq akisussaanerlu qitiulluinnarput

Illoqarfinni nunaqarfinnilu ataatsiakkaani tankforvalter-it tassaapput, pigisaqarfinni Polaroil-imut sinniisuusut. Illoqarfinni 16-ini nunaqarfinnilu 52-ini tankeqarfeqarpoq.

Ukiuni makkunani Polaroil-imi nutarterineq ingerlanneqarpoq. Uppernarsaat ISO 9001 ukioq 2011-mi pissarsiarivarput, taannalu 2014-mi nutaamik pissarsiareqqipparput. Taassuma saniatigut ISO 14001 november 2013-imi pissarsiaraarput. Taakku aqqutigalugit nunarsuup sinnerani piumasaqaatitut tunngavigineqartunut kiisalu avatangiisit pillugit aqutsinermut nallersuussinnaalerpugut. Siusinnerusukkut kisermaassilluni aallunneqartumik pilersuinermik aqutsinermiit, nutaaliaasumik pisisartunullu sammivilimmik aqutsinermut ikaarsaarpugut, tassaalerlutalu suliffeqarfik ineriartornermik malinnaaginnarani pingaarutilimmilli ineriartornermut ilannguttoq.

Ikummatissaasiveqarfiit

Kalaallit Nunaat tamakkerlugu piffinni 70-ini 430-it missaannik Polaroil-imi ikummatissaasiveqarmat, teknikkikkut nakkutilliineq ataavartoq pinngitsoorneqarsinnaanngilaq. Suliamillu tamatuminnga ingerlatsineq, suliffeqarfiup iluani akisussaaffiit allat assigalugit, inuit avatangiisillu isumannaatsuunissaannik annertuumik aallussineqarpoq.

Umiarsuit

Umiarsuit ikummatissamik imerpalasumik nunatta sineriaanik Polaroil sinnerlugu assartuisut isklasse 1A-tut nalunaarsugaapput. 

Umiarsuaq ikummatissamik imerpalasumik nunatsinnut assartuisoq isklasse A-tut nalunaarsugaavoq. Ikummatissamik imerpalasumik nunatsinnut assartuineq pisarpoq aprilimiit novemberimut, taamaasinerani tikinneqartarlutik Kangerluarsoruseq, Nuuk, Kangerlussuaq aamma Sisimiut. 

Issittup imartaani angalanissamut pisortat piumasaqaataat nunani tamalaani maleruagassat umiarsuit pineqartut naammassisimavaat.    

Isumannaassuseq akisussaanerlu

Isumannaassuseq akisussaanerlu Polaroil-imi oqaasinnaajupput. Aamma taamaappoq avataaniit ikummatissat il.il. tikisinneqartartut eqqortumik naleqqussarsimanissaannut tunngatillugu. Ikummatissammi Kalaallit Nunaannut tikisinneqartartut nunarsuup ilaani allani atorneqartunut naleqqiullugit allaapput. Assersuutitut taaneqarsinnaavoq, AGO (gasolia issittumi atugassiaq), ikummatissarmi taanna isseruluttumi atorneqarnissaminut akerrortusagaavoq. Nunarsuaq tamakkerlugu avatangiisit pillugit aalajangersakkanik eqqortitsinerup saniatigut – ikummatissat immikkut atornissaannut kiisalu toqqorsivinniitinnissaannut Kalaallit Nunaata silaannaanut peqqissaarluinnartumik naleqqussagaapput.

Issittumi ikummatissanik toqqorsivinniititsineq, isumaginninneq assartuinerlu sakkortoorujussuarmik isumannaallisaanikkut avatangiisillu pillugit piumasaqaatitaqarput. Tamannalu ukiorpaat ingerlaneranni – nunani allani pisiniarfigisartakkat umiarsuaatileqatigiillu qanittumik suleqatigalugit – Polaroil-imi pingaartitarineqarpoq.

Avatangiisit

Polaroil-imi isumagalugit ingerlanneqartut nunarsuup issittoqarfiani inissisimapput, oliamillu mingutsitsineqassagaluarpat tamanna imaannaanngitsumik eqquisussaavoq. Kiisalu aalisarneq piniarnerlu Kalaallit Nunaanni inuuniarnermut nangillutik tunngaviummata, aammalu silap pissusaa peqqarniissinnaasarmat, Kalaallit Nunaanni imerpalasunik ikummatissalerineq oliamillu nioqqutissianik allanik isumaginninneq paasisimasaqarfigilluartariaqarput. Tamaattumik avatangiisinut akisussaassuseqarneq Polaroil-imi sulisunut tamanut peerallartussaajunnaarluni nippussimavoq.