Sikuunerani umiartorneq

1. april – 5. april akornanni M/T ORASILA ikummatissanik pajunniarluni ingerlaarpoq Diskobugt-imi sumiiffinnut arlalinnut.

Angalavissaata ilaa, suli sikuuvoq taamaattumik Arktisk Kommando attavigineqarpoq ikiorneqarnissatsinnullu akuerineqarluta, ikiuukkiartortinneqarporlu HDMS TRITON sikumik aserorterisuliullugu siulersortaalluni. Siku 30 – 90 cm akornani issususeqarsimavoq.

Iluatsittumik tikinneqarput Saqqaq, Qeqertaq, Aasiaat aamma Attu.

Royal Arctic Line-ip aamma M/S IVALO ARCTICA angalatippaa sumiiffinnut taakkununnga, taamaattumik umiarsuit taakkua pingasuullutik ingiaqatigiillutik Aasiaat tikillugu ingerlasimapput.

Aasianniit kujammut ingerlaarnermi ingiaqatigiipput M/T ORASILA aamma M/S IVALO ARCTICA, ulloq unnuarlu ataaseq sikumik saperseqqallutik nikeqqinneq sapilerput.

Air Greenlandip timmisartuani aquttup Malik Niemannip, kusanartumik assilisimavai umiarsuit marluk, Kangaatsiap avannannguaniittut, assimut atorsinnaasatisinnut - qujanaq Malik.

KNI A/S Polaroil periarfissaq manna atorlugu, qutsavigerusupparput Arktisk Kommando aamma HDMS TRITON, kusanartumik ikiuussimanerinut.