Polaroil-imi nammineerluni orsertarfinnut tunngatillugu upalungaarsimasut inunnik pingasunik ilapput

2000-ikkulli aallartilernerisa nalaani Polaroil nammineerluni orsertarfinnik peqalermalli nammineerluni orsertarfiit arlaannik ajoquteqartillugit Polaroil-imi maskintekniker Morten Poulsen kisiinnangajammi attavigineqartarnikuuvoq.

Polaroil-ip nammineerluni orsertarfiutaasa amerliartornerat ilutigalugu siusinnerusumut sanilliullugu Morten attavigineqakulaneruvoq, tassami nammineerluni orsertarfinnik 19-inik peqalernikuuvugut taakkunannga aqqaneq-marluk nunaqarfinniillutik arfineq-marlullu illoqarfinniillutik.

Nammineerluni orsertarfiit pillugit attaveqassagaanni kiffartuunneqassagaannilu maannakkut inuit amerlanerusut saaffigineqarsinnaalissapput. Polaroil-imilu nammineerluni orsertarfinnut tunngatillugu qanorluunniit apeqquteqassagaanni mailerfissaqalerpoq nassiussivissaalluni: polaroil-autoamater@kni.gl

Ulluni 2., 3. aamma 4. december maskintekniker Morten Poulsen, ingerlatsinermi pisortaq Gerth Jack Storer, Tasiilami ikummatissaasivimmi pisortaq Kaagaaq Uitsatikitseq kiisalu Upernavimmi serviceassistent Samuel Karlsen nammineerluni orsertarfinnik suliaqarnissamik NPS-imi sukumiisumik ilinniartinneqarput.
NPS tassaavoq suliffeqarfik ikummatissaasivinni nammineerluni orsertarfinnik ineriartortitsisuusoq, nioqqutissiortuusoq, tuniniaasuusoq suliaqartartorlu.

Ullumikkut sumiiffinni makkunanni nammineerluni orsertarfeqarpoq:

Nunaqarfiit nammineerluni orsertarfillit:
•    Alluitsup Paa
•    Arsuk
•    Qeqertarsuatsiaat
•    Atammik
•    Kangaamiut
•    Attu
•    Saqqaq
•    Qassiarsuk
•    Aappilattoq (UPV)
•    Tasiusaq (UPV)
•    Upernavik Kujalleq (UPV)
•    Kangaatsiaq

Illoqarfiit nammineerluni orsertarfillit:
•    Uummannaq
•    Upernavik - I
•    Upernavik - II
•    Ittoqqortoormiit
•    Tasiilaq
•    Qeqertarsuaq
•    Qaanaaq