Aasianni Polaroil atuartunit pulaarneqarpoq

Gammeqarfimmi 8. k-mi atuartut Aasianni ikummatissaasivik pulaarpaat. Atuartut soqutiginneqalutik suliffeqarfiup oqaluttuassartaa suullu suliarineqartarnersut alapernaaqalutik malinnaapput apeqquteqartarlutillu.

Aasianni ikummatissaasiviup ittuata Søren Olsvig-ip atortorissaarutit nutaaliat tankillu qanoq imaqarneri imaqarsinnaanerilu nassuiaatigigaangagit atuartut tupigusuttarput.

Polaroil Aasianni sulisut:

- Aasianni ikummatissaasivimmi sulisut sisamaapput.

Tankersuarni ikummatissat assigiinngitsut ima imaqartigisinnaapput:

Gasuulia: 16,5 mill. liiteri
Jet A 1 (timmisartunut): 1,1 mill. liiteri
Benzin: 2,4 mill. liiteri

- Suliffeqarfik praktikkerfigissallugu pileriginerarlugu niviaaluit nukappiaaluillu oqalulertarput, tamanna tusarlugu assut nuannertarpoq. Suliffeqarfitta avammut saqqummiuttarnera tulluusimaarnartarpoq, Aasianni ikummatissaasiviup ittua Søren Olsvig oqarpoq.

Maleruaqqusat malinneqassapput eqquutsinneqarlutillu
Suliffeqarfiup maleruaqqusai taaguuteqartut ISO 9001 aamma ISO 14001 pillugit Søren Olsvig pulaartunut saqqummiuppai. Taakkua maleruaqqusat pitsaassutsimut avatangiisinullu tunngasut inatsisitsigut malinneqarnissai eqquutsitsinissarlu pingaaruteqarneri nassuiaatigineqarput.

2016-imi decembarip qaammataani Aasianni Polaroilimi sulisut ISO pillugit maleruaqqusat misilitsissutigisimavaat, angusisimallutillu.

- Tassa imaappoq Kalaallit Nunaat tamakkerlugu Polaroileqarfiit tamarmik angusisutut naliligaavugut, tamannalu tulluusimaarnarpoq, oqarpoq Søren Olsvig.

Aasianni ikummatissaasiviup ittua Søren Olsvig atuartut suliffeqarfimmi maleruaqqusanik
saqqummiiffigai.

Umiarsuaqartillugu slangit ikkuffii qanoq ikkussuunneqartarneri oqaluttuarineqarput.

Gammeqarfimmi 8. k-mi atuartut apeqqutissaaleqinngillat.

/ Saqqaa / Nutaarsiassat / Polaroil / Aasianni Polaroil atuartunit pulaarneqarpoq

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl