Pinngortitaq ajunngippat aamma uagut ajussanngilagut

Polaroil-ip avatangiisit pillugit suliniuteqarnera ullumikkut aallartippoq, Nunatsinnilu illoqarfiit nunaqarfiillu akornanni unammisitsinermut kikkut tamarmik peqataanissaannut Polaroil-ip tikilluaqquai.

Inuttussutsimut naleqqiullugu illoqarfik nunaqarfilluunniit sorleq, benzinamut uuliamuulluunniit dunkinik imaqanngitsunik utertitsinerpaasarpa? Illoqarfik/nunaqarfik ajugaasoq Polaroil-ip/Pilersuisup kaffillerneranik akissarsitinneqassaaq.

Pisortaq Githa Brask Olsen ima oqarpoq:
- Platsikki pinngortitatsinni kusanarluinnartumi – nunami kangerlunnilu – suli ajornartorsiutaaleraluttuinnarpoq. Ukiut hundredikkuutaat ingerlanerini plastikki nungujartortarpoq, nungujartorneranilu tappiorannartunngorluni inuussutissanut uiguleriiaannut annguttarluni. Taamaattumik KNI A/S Polaroil-imi suliniut una aallartipparput, inuusuttuniillu utoqqarnut ikiuunnissaat pisariaqartillutigu. Uuliamut dunkit suulluunniit utertinneqarsinnaapput – unammisitsinermilu kisitsinernut ilaatinneqassallutik.

Nunarput Saligaannerusumut, suliniutitsinnullu 'KNI qorsuunerusoq'-mut atatillugu Texaco-mit motoorinut uulianut dunkinik utertitsisarneq KNI A/S Polaroil-ip 2019-imi novembarimi atulersippaa, matumanilu gear-imut uuliap puua kiisalu dunkip 1, 4 aamma 5 literip uterinnera 3 koruuninik naleqarluni. Uuliamut dunkit allat aningaasannassutiginagit aamma utertinneqarsinnaapput.

- Utertitsisarneq plastikkinik katersuinermi tapertaalluarluni, Nunatsinni sumiluunniit tigulluarneqarpoq. Inuiaqatigiinni akisussaaqataanitsinnut atatillugu pinngortitatsinnut kusanarluinnartumut mianernartumullu, alloriaqqinnitsigut akisussaaqataanerulerniarpugut, Githa Brask Olsen oqaluttuarpoq.
Plastikkip ajornartorsiutigineqarnera suliniutitigut matumuunakkut qaangersinnaanatigu soorunalimi ilisimaaraarput, pinngortitamili plastikkeqarneranut ataatsimoorluta ajornartorsiutigisatsinnut ukkatarinnilersitseqataasinnaasoq, plastikkillu Nunatsinni maangaannaq qimaannarneqartannginnissaanut tapertaasinnaassasoq isumaqarpugut.

Suliniut pillugu POLAROIL.GL-imi annerusumik paasisaqarit, unammisitsinermilu inernerit tassani aamma malinnaavigalugit.