Ikuallatsitsisimasoqarneranik ilimatsaassineq

Tallimanngornerup 9. december unnuaani Kangaatsiami orsersortarfiup puttasua ikuallattoq paasineqarpoq. Ikummatissalerisoq aammalu qatserisartuusoq sukkasuumik iliuseqapallappoq, puttasumilu ikummatissanut aqqutit matugasuarlugit.

Pisumi tassani puttasumi ikuallattoq annertusereersimavoq, ajoraluartumillu puttasoq annaanneqarsinnaajunnaareersimalluni kivivoq.

Aasianni ikummatissaasivilerisoq politeeq peqatigalugu misissuiartorlutik tallimanngornerup ualinerani Kangaatsiamut apuupput. Maannakkullu orsussamik tunisineq nunami orsussamik maqitsisarfimmiit aallartinneqaqqereerpoq.

Kangaatsiami sanaartugassanik suliassinneqartartoq peqatigalugu puttasoq kivisimasoq qaqinniarneqassaaq, puttasup aaqqissorneqarsinnaanera nalilerniarlugu.

Maanna politiinit pisoq misissorneqarpoq.