10. marts 2018 Ikummatissap akia apparneqarpoq

Ikummatissap akia literimut 45 øre-mik apparneqarpoq. Akit nutaat 10. marts 2018 atuutilis-sapput.

Taamaalilluni gasolie, petroliu aamma benzina literimut 45 øre-mik akikillissapput.

• Polaroil-ip akigititai 10. marts 2018-imiit imaalissapput:
• Gasolie/diesel: literimut 5,55 kr-imiit 5,10 kr.-imut appartinneqarpoq avatangiisinut akitsuut literimut 10 øre-usoq ilanngullugu.
• Petroleum: literimut 5,66 kr.-imiit 5,21 kr.-imut appartinneqarpoq avatangiisinut akitsuut literimut 10 øre-usoq ilanngullugu.

Benzin: literimut 5,40 kr.-imiit 4,95 kr.-imut appartinneqarpoq avatangiisinut akitsuut literimut 10 øre-usoq ilanngullugu.

Taamatuttaaq Jet A-1 (timmisartup orsussaa) literimut 45 øre-mik akikillissaaq, 5,58 kr.-imiit 5,13 kr.-imut.

Ikummatissat akiata appartinneqarnerata matuma malitsigissavaa atuisartut ikummatissamut ukiumut 58 mio. kr.-it missaanni aningaasartuutikinnerulernissaat.

Akikilliliineq una september 2014-ip kingorna, nunarsuarmi ikummatissap akiata appariartulerneraniit, akinik appaanerit arfinilissaraat. Ikummatissap akia 2014-imi aasaaneranit taamaalilluni literimut 1,55 kr.-nik akikinnerulerpoq.

Akinik appaanermut pissutaanerpaapput 2018-imi ikummatissarsiniarnissami akit qulakkeerneqarsimasut appasinnerunerat amerikarmiullu aningaasaata naliganik qulakkeerinnissutit akikinnerunerat.

Inussiarnersumik
Githa Brask Olsen
Energidirektør

Email: gib@kni.gl