Sinerissami ulloq unnuarlu orsertarfiit

Aasaanerani sinerissami umiatsiamik angalaartut pinngitsoorneq ajugaat tassaavoq tikitartik qaqugukkulluunniit orserfiginissaat.

Ukiuni kingullerni sisamani Polaroil nunaqarfinni nammineerluni orserfiusinnaasunik ikkussuinikuuvoq. Ikkussuinermi aningaasaqarneq, teknikkimut tunngasut atuisoqassuserlu tunngavigineqartarput. Ima paasillugu, nunaqarfiit piniarnermik aalisarnermillu annertuumik ingerlatsiviusut pingaarnertut ikkussuivigineqartarlutik.

Kingullermik Tasiusami (UPV) Upernavik Kujallermilu ulloq unnuarlu orserfiusinnaasunik pilersitsiffigineqarput, tassanilu  gasuuliamik, benzinamik aamma petroleumimik pisisoqarsinnaalerluni.

Illoqarfinni anginerusuni nammineerluni orserfiusinnaasut uuliaarniat namminersortut ingerlataraat.