Dansk
English
KalaallisutAnnaassiniarnermi pikkorissarneq
KNI A/S–mi sulisut Maniitsumi pikkorissaqqammerput, ikummatissaasivimmi isumannaallisaaneq annaassiniarnerlu. Taamatut pikkorissaaneq aappassaa ingerlanneqarpoq, tamatumuuna sulisut arfineq marluk pikkorissarlutik, ingerlanneqarlunilu 2. – 9 oktober, ullut arfineq pingasut – ullut tamaasa. Pikkorissarneq ingerlanneqarpoq eqqartueqatigiinneq sungiusarnerlu:
- Isumannaallisaaneq
- Ikummatissaasivinnik saliinissamut pilersaarusiorneq
- Ikummatissaasivinnik saliinissamut isumannaallisaaneq
- Tunngaviusumik ikuallattumik qamisaaneq
- Issittumi ikiueqqaarneq
- Ikummatissaasiviup iluani ajutoortumik qaqitsineq sungiusarlugu
KNI A/S assiliisartua & aalasuliortua peqataavoq, taamaasilluta ilitsersuutinik assigiinngitsunik pilersitsinissamut katersilluni.
Ikummatissaasivinni sulineq mianersunngikkaanni navianartoqarsinnaavoq.
Pikkorissarnikkut, sungiusarnikkut, suliassanik pilersaarusiornikkut aamma piumasaqaatinik malinninnikkut – suliffik isumannaatsunngortinneqarsinnaavoq.
“Pikkorissarnerup iluani pissarsiaqangaatsiarpunga, tankimut misiliinissamut suli iluamik misiliinikuunnginnama. Taakku sakkussatut pikkorissarninni assut siunissami qularinngilara iluaqutigerujussuartussaallugit.”
- Rikka Møller, Polaroil Nuuk.
“Pikkorissarninni pissarsissutigisara pingaarneq tassaavoq piareersimaneq. Taamaatumik suliffeqarfimmiilluni takorlooruminaakkami taamatut ittumik pikkorissarnikuunani, kisianni pikkorissarnerup ingerlanerani takorlooruminarsisarpoq piareersimanerulerlunilu.”
- Leif Kristiansen, Polaroil Paamiut.
“Pikkorissarnissannut periarfissinneqarnera uannnut isumaqaqaaq. Ilisimasassarpassuarnik tunivaatigut.”
- Aqqaarannguaq Jakobsen, Polaroil Nanortalik.
“Una pikkorissarneq suliffinni tankip iluani saliinermi ajutoortoqassagaluarpat annaasiniarnermi pissarsiakka iluaqutigisinnaavakka. Taamaattumik pikkorissarnissamut neqeroorfigineqarnera qujanaqaaq, pissarsissutigeqaarami.”
- Rudi Brønlund, Polaroil Ittoqqortoormiit.
Saamerlerniit: Rudi Brønlund - Ittoqqortoormiit, Leif Kristiansen - Aqqaarannguaq Jakobsen - Polaroil Nanortalik, Rikka Møller - Polaroil Nuuk, Siverth P. Sethsen - Polaroil Maniitsoq, Svend Kristiansen - Polaroil Uummannaq, Aqqalunnguaq Berthelsen - Polaroil Kanger-luarsoruseq.
