Ikummatissat 1. aggusti 2014-imiit akitsussapput

KNI A/S Polaroil-ip ikummatissat akii 1. aggusti 2014-imiit qaffappai. Gasolie 54 øremik literimut akitsussaaq, Petroleum 55 øremik literimut akitsussaaq, kiisalu Benzin 39 øremik literimut akitsussalluni.

Uulia akuiarneqanngitsoq, akuiarneqarnera USD-ilu nunarsuarmi akii ullut tamaasa allanngorartarput, allan-nguuteqartarnerallu atuisunut akigitinnneqartartunut tunngaviulluinnartarput. KNI A/S Polaroil ukiut amer-lasuut ingerlanerini pineqartut ilaannaasaluunniit akiinik qularnaarinninnissamik isumaqatigiissusiortarsi-mavoq.

2014-imi uuliamut akuiarneqanngitsumut akuiarneqarneranullu isumaqatigiissutaasimasut 2013-imut sanil-liullugu nappartamut 10 USD-inik akisunerupput, taamaakkaluartorli nunarsuarmi akiusunit suli agguaqati-giisillugu nappartamut 2-3 USD-inik akikinnerulluni.

Gasoliemut Benzinamullu atuisunut akigitinneqartut 2009-miilli assigiissimapput, Gasolieli Europami ima pi-umaneqartigaaq Benzinamiit akisuninngorsimalluni, kiisalu Gasoliep issimi ikummarissunngortinniarlugu su-liarineqartarnera akitsorluni. Taamaattumik Gasoliep Benzinallu akiisa qaffaataat assigiinngitsuupput.

Ikummatissat kingullermik 7. juuni 2013-imi allanngortinneqarput, taamani ikummatissat literimut 26 øre-mik akitsorneqarlutik.

Uuliap akuiarneqanngitsup kiisalu uuliap akuiarneqarnerata akii 2013-imi juunimiilli maannakkornit akikin-nerunikuugaluarlunilu akisunerunikuugaluartoq maannamut KNI A/S Polaroilip atuisunut akigitinneqartoq allanngutsaaliorsinnaasimavaa, taamaalillunilu manna tikillugu Nunatsinni inuiaqatigiit akitsuiffiginaversaar-simallugit.

Tamatumunnga pissutaavoq KNI A/S Polaroil uuliap akuiarneqanngitsup akianik, akuiarneqarnerani akianik dollarillu akianik nunarsuarmi akigitinneqartunut sanilliullugu piumasaqaatigineqartut pitsaasuunerisa na-laani sillimmasersortarnera. Maannamut qularnaarneqartut siusinnerusutulli pitsaatiginngillat, taamaakka-luartorli nunarsuarmi akitigitinneqartunit suli appasinnerulaarlutik.

Polaroilip tuniniaanermini 1. aggusti 2014-imiit akigitinniagai imaalissapput:

• Gasolie/diesel: literimut 6,11 kr.-imiit 6,65 kr.-imut,
  avatangiisinut akitsuut literimut 10 øreusoq ilanngul-lugu.
• Petroleum: literimut 6,21 kr.-imiit 6,76 kr.-imut,
  avatangiisinut akitsuut literimut 10 øreusoq ilanngullugu.
• Benzin: literimut 6,11 kr.-imiit 6,50 kr.-imut,
  avatangiisinut akitsuut literimut 10 øreusoq ilanngullugu.

PAASISSUTISSAQ: Danmarkimi Nunatsinnilu ikummatissat 01. juuli 2014-imi akii

Najoqqutarisaq: EOF, 07.07.2014