KNI Pisisa.gl tunisaqarnini marloriaatinngortippaa pisiniartut nutaat aqqutigalugit

Pisiniartut 80 procentiisa missaat aatsaat pisiniartuupput ulluni qulini inuuissiornermut atatillugu pilerisaarisoqarnerata nalaani, nioqqutissallu tunineqarnerpaat tassaapput pequtit, igaffimmi atortorissaarutit aamma elektronikkit, taamatut ilisimatitsivoq internetikkut pisiniartarfimmi pisortaq Marcus Probst. Maannakkut 3.300-t "klubbimut" ilaasortanngorsimapput.

KNI Pisisa.gl-ip ukioq ataasinngorlugu nalliuttorsiornermini pilerisaarinerata ulluni qulini ingerlanneqartup, siornamut piffissamut tassunga sanilliussilluni tunisaqarneq marloriaatinngortippaa. Taamak ilisimatitsivoq internetikkut pisiniartarnermut pisortaq Marcus Probst.

Nioqqutissat tamaasa 10 procentimik akikilliliiffigaavut, pilerisaarinerlu pisisartut iluarilluarpaat nutaarpassuuppullu. Taamaalillutik pisisartut 79 procentii tassaapput pilerisaarineq aqqutigalugu aatsaat siullerpaamik pisiniartut. Ilaasa pisinerminni misigisaq nuannaralugu pilerisaarinerup ingerlanerani arlaleriarlutik pisiniaqqipput," Marcus Probst oqarpoq.

Kaaviiaartitsinermi pisiarineqarnerpaat pingasut

Allatsitsivimmi 20.000-t sinnerlugit qinigassaqartut akornanni tunineqarnerpaajupput pequtit, igaffimmi aamma errorsinermut atortorissaarutit kiisalu tv/elektronikillu.

Marcus Probstip aammattaaq tunineqarnerpaajusut tallimat, qanoq amerlatiginerat tunngavigalugu allattorsimavai:

• Aalisakkanut qassutit piareerneqanngitsut
• Nalaarsaarfiit
• Nillataartitsiviit/qerititsiviit
• Gummibådet
• Mobiltelefonit

3.300-t nutaarsiassamik allagarsissapput

Maannakkut 3.300-nik sinneqartut "klubbimut" ilanngussimapput, tassunga ilaasortaasut sapaatit akunneri tamaasa Pisisa.gl-ip nutaarsiassaatai neqeroorutillu pillugit allagarsisarput.

"Maannakkorpiaq qaammatit tamaasa 100 sinnerlugit Pisisa.gl aqqutigalugu ilaasortanngortoqartarpoq. Pissanganarnerutinniarlugu qaammatit tamaasa pissarsiarineqarsinnaasumik eqqugassaqartitsisarpugut. Assersuutigalugu uani qaammammi tassaavoq kaffiliuut Nespresso," Marcus Probst oqarpoq.