Pisisa.gl internettikkut pisiniartarfittut pitsaanerpaatut akissarsitinneqarnissamut innersuunneqartoq

KNI-p internettikkut pisiniartarfia Pisisa.gl "Danish Internet Awards 2013"-imi unammeqataavoq, internettimi pisiniartarfittut pitsaanerpaamik ilusilersorneqarsimasutut akissarsiassaq unammissutigalugu. "Tamatumuuna uppernarsarneqarpoq uagut pisisartutta tuusintit arlaqartut toqqaareernerannit. Tassami taakku uagut toqqarpaatigut, aamma uagut nioqqutissaatigut amerlasuut, aamma taamaaliornermikkut peqataapput Kalaallit Nunaanni internettikkut pisiniartarfiit pilertornerpaamik annertusiartornerannut," internettikkut pisiniartarfiup pisortaa Marcus Probst oqarpoq.

Pissanganartoq 17. apriili saqqummiunneqassaaq: KNI-p internettikkut pisiniarfia Pisisa.gl akissarsiassamut akimasumut "Danish Internet Awards 2013"-imut innersuunneqarpoq. Akissarsiaq unammissutigineqartoq tassaavoq internettimi pisiniarfik pitsaanerpaamik ilusilersorneqarsimasoq. Internettimi qupperneq Pisisa.gl-imi sulisut aamma web-bureauet CPH Cloud Company suleqatigiillutik pilersitaraat. Angorusutaq tassaasimavoq Kalaallit Nunaanni kikkut tamaasa ajornanngitsumik aamma akimmisaarfiunngitsumik internettikkut pisiassanik tuusintilikkaanik pisiniarsinnaanermut isersinnaatilernissaat. Tamanna ima pitsaatigisumik suliarineqarsimavoq innersuunneqarnermik kinguneqarluni.

"Innersuunneqarnerup uppernarsarpaa uagut pisisartutta qanoq toqqaareersimanerat. Tassami taakku toqqarpaatigut aamma pisiassarpassuaatigut assigiinngitsut, taamaaliornermikkullu Kalaallit Nunaanni internettikkut pisiniarfiit pilertornerpaamik annertusiartornerannut peqataasimallutik. Pisisarfiit inatsisini piumasaqaataasunik pisiarisap isumannaatsuunissaanut tunngatillugu naammassinnittut suleqatigalugit kaaviiaartitsinerput patajaatsumik annertusiartorpoq. Umiarsuakkut imaluunniit timmisartukkut nassiussisarpugut. Kalaallit Nunaanni internettikkut pisiniarfimmik ingerlatsineq unammillernartoqarpoq, tamaani inuit 57.000-it sumiiffimmi Europap kitaatut angitigisumi siammarsimapput," internettikkut pisiniartarfimmi pisortaq Marcus Probst oqarpoq. "Pisisartunik sullissinerup, nassiussisarnerup aamma utertitsisinnaanerup ajunngitsumik ingerlanissaa pillugu, naak pinngortitamit aamma isorartussutsit eqqarsaatigalugit unamminartoqaraluaqisoq annertuumik suliaqarpugut."

Internettikkut pisiniartarfiup pilersinneqarnera pillugu filmiliaq

DIA 13-imit, Danish Internet Awardimik naalisagaq, aaqqissuussisut Danske Medier aamma Huset Markedsføring tunngavigalugit "akissarsiaq internettimi pisiniartarfimmut 2012-imi immikkut maluginiarneqarsimasumut kaaviiaartitsineq aamma sullissinerup qaffasissusia, pisiniartunik pilersitsinermik, soqutiginartunik assigiinngitsunik nioqquteqartumut aamma atuisutut orniginartutut misigititsisumut. Internettikkut pisiniartarfiit niuernermi periutsit nalinginnaasut tunngavigalugit ingerlallualersimasut, taakku tassaapput niuerfimmi immikkut inissisimalersimasut", tunniunneqassaaq.

"Innersuunneqarpugut makku peqatigalugit; atuagaarniarfik Arnold Busck, timisartuutileqatigiit Thomas Cook, atisaarniarfik ONLY aamma pequtaarniarfik Fritz Hansen. Taakku akissarsititsinissamut unamminermi unammillugit ataqqinarput pikkorissuullutillu." Marcus Probst qularnaarivoq. Internettikkut pisiniartarfiup pilersinneqariartornera pillugu filmiliortoqarpoq: http://vimeo.com/61246955.

Filmimi ilaatigut oqaluttuarineqarput imaatigut angallavik katillugit 8.000 kilometerisut isorartussuseqartoq qaammatit tallimat atorlugit Pisisa.gl-ip tuniniaavii salgterminalit suliarineqarsimasut, tamakku ullumikkut Pilersuisup pisiniarfiini tamani nassaassaapput.

"Pisiniarfiit tuniniaavii salgterminalit pisisartut inniminniinissamut periarfissaattut aamma pisianik akiliiffissaattut pingaaruteqartuullutik ilaapput." Marcus Probst oqaluttuarpoq.