Nioqqutissat sumiiffinnut allanut ingerlateqqinneqarput

Sikusimanera peqqutaalluni Royal Arctic Line Qeqertarsuup Tunuanut (Aasiaat, Qasigiannguit, Qeqertarsuaq Kangaatsiarlu) apuussinnaasimanngilaq. Taamaattumik Pilersuisup nioqqutissat nillataartut naatitallu sumiiffinnut allanut ingerlateqqippai.

Qeqertarsuup Tunuani illoqarfiit nunaqarfiillu, Uummannaq Upernavillu ilanngullugit, pisarneq malillugu ukiuunerani pilersoreerpagut. Ukiuunerani Pilersuineq pilersaarutit malillugit ingerlapput.

Royal Arctic Line sapaatip akunnera allortarlugu Aasiannut, Ilulissanut, Qasigiannguanut, Qeqertarsuanut Kangaatsianullu angalasarpoq, sila sikulu apeqqutaallutik.

Sikunera peqqutaalluni Royal Arctic Line Qeqertarsuup Tunuanut (Aasiaat, Qeqertarsuaq, Qasigiannguit Kangaatsiarlu) apuussinnaasimanngilaq. Taamaattumik nioqqutissat nillataartut naatitallu sumiiffinnut allanut ingerlateqqippagut.

Naatitat, grønsagit, nillataartulllu ukununga ingerlasut:

• Aasiaat: Nuummut ingerlateqqinneqarput
• Kangaatsiaq: Nanortalimmut ingerlateqqinneqarput
• Qasigiannguit: Narsamut ingerlateqqinneqarput
• Qeqertarsuaq: Paamiunut ingerlateqqinneqarput

RAL isumaqatigalugu nioqqutissat sumiiffinnut allanut ingerlateqqinneqartut saniatigut akilerneqassanngillat.

Nassiussassat allat; nalinginnaasut, qeritissinnaanngitsut qerisullu Qeqertarsuup Tunuanut umiarsuarmut tullermut ilaallutik Nuummiit nassiunneqarput.

Air Greenland aamma isumaqatigiissuteqarfigaarput, taamaasilluta Qasigiannguanut sapaatip akunneranut 500 kiilumik taamatullu Qeqertarsuarmullu aamma 500 kiilumik sikoqqanerani assartuisinnaavugut. Inissaq taanna manninnut, qallersuutissanut naatitanullu atorneqarnerussaaq.