Uthilie Karlsen - Ukiuni 40-ni

Upernavimmi Pilersuisumi pisortaq Uthilie Karlsen 20. februar 2019 KGH-mi KNI-milu atorfeqarsimanermini katillugit ukiuni 40-inngortorsiorluni nalliuttorsiorpoq.

Uthilie angusani pillugu ima naatsumik oqaluttuarpoq:

”Inuusuttuaraallungali suliffik pilerigiuarsimasara suliffigilersimavara, taamaattumik suliffigerusukkakku imminut piumaffiginerpassuit aqqusaarsimavakka, soorlu naleqqussartuarnerit suliffiup nutaanngoriartornerinut atortorissaarutit tungaasigut malinnaajuarlunga.

Ukiut 40-runngoraluartut suli ullaat tamaasa itertarpunga suliartornissannut qilanaartorujuullunga, nammineq kisitsisit pilersitseqataaffigisat takusarlugit suli suleqataanissaq qilanaarnarnerusarpoq kiisalu angusarissaarnissamut sinnattornerit amerliartuinnartarput.

Ukiut taama amerlatigisut aatsaat anguneqarsinnaapput suleqatillu suleqatingiilluaraanni kiisalu ilaquttanit tapersersorluarneqaraanni minnerunngitsumillu suliffimmut annertuumik tunniusi- malluni suligaani. ”

”Uthilie pilluarit, ilaquttatillu pilluaritsi, assut nuannerpoq inuit ilittut ittut suleqatigalugit toqqissisimanarlunilu. Ulluinnarni inuiaqatigiinni akisussaaffipput ima annertutigisup naammassiniartuar- nerani inuit ilittut ittut KNI-p pinngitsoorsinnaanngilai. Tulluusimaarnaqaatit maligassaallutillu.” KNI A/S-imi pisortaaneq Peter Grønvold Samuelsen Uthilie-mut taama inuulluaqqusivoq.