Timersullammak Akunnaamiu

Kurt Nielsen, Kuua, Akunnaami suleqatigaarput, sunngiffimminilu arpanneq annertuumik aallu-taraa. Tamanna pillugu ukioq kingulleq Timersullammattut toqqarneqarpoq.

Kuua Danmarkimi arpattoq.

Kuua Pilersuisumi Polaroilimilu sulivoq, tassa Pilersuisumi suleqataallunilu Polaroilimi orsiivik isuma-gisaraa.

Kuua inuk qiimasuuvoq sullarillunilu, sunngippallaaleraangamilu uniffeeruttarpoq, nammineq oqar-neratuut ’nunaqarfimmi uninngaannarneq nalunarnermik’.

Kuua 35-inik ukioqarpoq, Akunnaamiuullunilu. Inuunini tamaat, Aasianni Gammeqarfimmi atuarni-kuunera eqqaassanngikkaanni, Akunnaami najugaqarpoq. Tamaani aappaqarpoq marlunnillu pane-qarluni. Angajoqqaavi ilaqutaalu allat aamma Akunnaamiipput.

Kuua KNI-mi ukiorpassuarni sulivoq, tassa ukioq manna augustimi ukiut 17-it sulisimalissaaq.

- Suliffiga nuannarilluarakku ukiorpassuanngorpara suliffigalugu. Maani sulisut pingasuuvugut, amer-lanerunikuuvugut, Akunnaami inuit ikiliartulermata sulisut aamma ikilinikuugamik, Kuua oqaluttuar-poq.

Eqqaasatsitut Kuua arpanneq annertuumik aallutaraa, Danmarkimummi unammiartarpoq.

Tamanna maluginiarneqarsimavoq, ukiormi kingulleq Kuua Kommune Qeqertalimmiit Timersullam-mattut toqqarneqarpoq.

Kuua Timersullammanngorami tunisutisiai.

- Siusinnerusukkut arsartarnikuuvunga, arpannerli aallutilernikuuara nunaqarfimmiinniaruma arpan-neq annerusumik aallussinnaagakku, massakkullu pinngitsoorsinnaanngilara, Kuua qiimaqaluni oqa-luttuarpoq.

Kuua arpattarnerup tungaatigut imminut suli unammillerumalluni 2017-imi Danmarkimut arpagiar-talerpoq, halvmarathoninut peqataasarpoq ukiullu ingerlanerani arpatsitsinissat assigiinngitsut misis-soriarlugit aamma peqataaffigisinnaasarlugit. Siusinnerusukkut Qeqertarsuup Tunuani arpannernut assigiinngitsunut aamma peqataasarnikuuvoq.

- Ukioq manna oktobarip missaani Danmarkimut arpagiarnissara pilersaarutigaara, coronali pillugu peqqussutit apeqqutaajumaarput. Taassuma saniatigut ukiamut Kangerlussuarmi Polar Circle marat-honip halvmarathonitaanut peqataanissara naatsorsuutigaara, Kuua oqarpoq.

Sunngiffimmi arpannerup saniatigut Kuuap illuarassartik nammineq, ataataminit ikiortillattaartarluni, sanaartuleruttorpaa. Illorisartik massakkut, Illorput 2000, aamma sananikuuaa.

- Uninngaannarneq nalugama, assersuutigalugu sulinngippallaalerangaama erinisuttarpunga suliar-toqqinnissannut, Kuua naggasiivoq.