Maligassiuisoq ukiuni 40-runngortorsiortoq

Frederik ”Fari” Kristiansen ukiuni 40-ni KGH-mi kingornalu KNI-mi suleqataavoq tatiginartoq aalajaatsorlu.

11. oktober 2017, Farip ukiuni  40-ni KGH-mi KNI-milu sulisimanera Uummannami Nakorsap  illuani, Farip ilaqutai suleqataalu peqatigalugit nuannersumik ilassinneqatigiinnertalimmik nalliusineqarpoq.

Fari, Frederik Kristiansen, assigiinngitsuni marlunni sulinermini inissisimasimavoq, ilaatigut Upernaviup eqqaani Tasiusami sulisimalluni, maannakkullu Uummannami quersuarmi sulisuulluni.

Ullorsiornissaa pisut assigiinngitsut pissutaallutik kinguartinneqarsimavoq. Fari 1. maj 2017 sulinernini ukiuni 40-runngortorsiorluni nalliusivaa, ullorsiortinneqarnerali aatsaat 11. oktober 2017 pilluni.

Nuannersoq sullarissorlu
Farip  inuttut  ilisarnaataasa  ilagaat  inuk  saamasuunini suleqatikkuminartuuninilu, suliffimminik pingaartitsisuuvoq piginnaasaqarluartuullunilu. Quersuarmi sulisutut atorfeqaraluarluni ajornaqutitaqanngitsumik aamma Pilersuisup pisiniarfiani pisariaqartinneqaraangami ikiortaalluartarpoq.

Quersuarmiuunermi ilaannilu pisiniarfimmi ikiuuttarnermi saniatigut aamma Fari nunap  immikkoortuata  avannaani  Pilersuisumi sulisut  qinigaattut  Uummannap  Upernaviup  Qaanaallu  susassaqarfiini  isumannaallisaaniaqatigiivinut  ilaasortaavoq.

Fari, ukiuni 40-t sinnilaarlugit sulereersimanerani nalliuttorsiorneranilu uummammit pisumik qutsavigalugulu  ilaqutaasut ilanngullugit KNI-mit pilluaqquagut.
Allagartamik  tunniussisuupput  Uummannami  Pilersuisup  pisiniarfiani pisortaagallartoq  Mette Zeeb  quersuup  pisortaa  Otto Møller.