Qassutikut Pilersuisumut utertinneqarsinnaalerput

Pinngortitap mianerinissaanut akisussaaqataavugut, taamaattumik Innovation Southgreenland suleqatigalugu kujataani nunaqarfinni Pilersuisunut qassutikut ningittagakullu akeqanngitsumik tunniunneqarsinnaanngorput.

Pilersuisup qassutikut Nuummut ingerlateqqinnissaat aamma isumagissavaa.

Taannaannaanngilarlu:

Qassutikunik nunaqarfimmut utertitsinermi/tunniussinermi nunaqarfik pinngortitamik kusanartuutitseqataanerminut akilerneqartassaaq, tassa puussiarsuaq ulikkaaraanni 2.500 koruuninnassutaasassaaq, aningaasallu nunaqarfiup kontoanut aalajangersimasumut nakkartinneqartassapput, nunaqarfiullu aqutsisui aningaasat siunertanut pitsaasunut atorneqartarnissaat isumagisassavaat.