Qaanaami Pilersuisoq nutarterpoq

Pisiniarfik nutaaq kusanarluinnartoq Qaanaami tallimanngormat piareerneqarpoq, ullorlu taanna malunnartillugu Pilersuisoq aliikkutassaqartitsivoq.

Ukiuni kingullerni Pilersuisup pisiniarfiinik nutarterineq ”Kalaallit Inuunerat Ilorleq” toqqammavigalugu ingerlanneqarput. Kalaalerpaluutsit assigiinngitsorpassuit pisiniarfiup iluata ilusilersorneqarnerini ilaatinneqartarput, assullu pisisartunit nuannaajallassutaasartut malunnartarpoq.

Qaanaami Pilersuisup pisiniarfia annertuumik nutarterneqarnera tallimanngornermi 12. juni 2020 malunnartinneqarpoq, ilaatigut nioqqutissat immikkut ittumik akikillisat. Akikillisat taakku immikkut ittumik aamma ussassaarutigineqarput, Panigpak Miteq nipilersorluni ussassaarineq ingerlakkamiuk, akii suussusalu nipilersorluni ilisaritittarlugit.

Qaanaami-Pilersuisoq-630px-04.jpgTaamaaseriarlutik erinnanik countrynik appipput, pisiniallu nuannisarput qitittarniarlutillu.

 

Qaanaami-Pilersuisoq-630px-05.jpg
Qaanaami sulisut Kiffartuussivimmiillu angalaqatigiit tikittut pisiniarfiup nutarterneranut piviusunngortitsisut aakua.


Qaanaami-Pilersuisoq-630px-03.jpg

Pisiniarfiup nutarterneqarneranut atatillugu soorlu naqqata iluarsaallugulu nutaamik taninneqarnissaa allanit suliarineqarsinnaanngimmat KNI-p Rejsehold-ianit suliarineqarput. Storeteam pisiniarfinnik pequtinik pisiffigisartagarput inississuisartorlu corona pissutigalugu Qaanaamut apuussinnaanngimmata, nutarterineq tamaat Qaanaami Pilersuisumi sulisunit isumagineqarpoq, KNI-iillu Sisimiuni Kiffartuussivianit KNI Marketingimit, anlægimit, indkøbimit kiisalu Sisimiuni qalipaasunit aggersimasunit ikiorneqaannarlutik.

 

Qaanaami-Pilersuisoq-630px-02.jpg
Sulisut qasusuillutik sapaatit akunneri marluk sinnerlugit unnuttalerlugu suliartik kusanartoq takutippaat.

Qaanaami-Pilersuisoq-630px-06.jpg
Qaammatini qulingiluani umiarsuaqarnikuunngilaq, taammaattorli ukiut siuliinut sanilliullugu pisiniarfik upernaaq manna imaqarneruvoq

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl