Pisiassat akiisa qaffannerannut nunarsuarmi pisut peqqutaapput

Pisiassat aalajangersimasut akitsornerat pisisartutut malugisimassajunnarsivat.

Tamanna marlussunnik peqquteqarpoq. Siullermik coronavirus takkuppoq, taassuma kinguneraa nunarpassuarni tunisassiorneq unimmat, taamaalineranilu nunarsuarmi assartuinermi akit aamma qaffangaatsiarput. Taassuma kingorna Ukrainemi sorsuttoqalerpoq. Nerisassat uuliallu akii qaffannerannik tamanna kinguneqarpoq.

Tassa nerisassat pisiarisartakkappit akiisa qaffannerannut nerisassat uuliallu akiisa qaffannerat peqqutaavoq.

Tamanna akinut eqquingaatsiarpoq, nunatsinni aamma.

Pingaartumik nunaatilinnit nioqqutit, soorlu neqit, manniit immuillu, akitsorput. Tamanna peqqutaavoq nunaatilinnit nioqqutissat suliarineqarneri akitsormata, siuliani eqqaaneqartut peqqutaallutik.

Akinik qaffaasoqaqqinnissaa maannamut pilersaarutaanngilaq. Pisiortortarfittami nioqqutissat akitsorneqaleraangata nalinginnaasumik qaammatit marluk-pingasut sioqqullugit ilimasaarutigisarpaat, nalunaarummillu tamaattumik maannamut tigusaqanngilagut.

Akit qaqugu akikilliartuleqqinnissaat maannamut suli nalunarpoq, qularnanngilarli akit qaffannerat malillugu appaqqinnissaat qaffaanertut sukkatigisumik piumaartoq.