Pilersuisup arpatsitsinera

Pilersuisoq Maajimi Peqqissuusamut atatillugu Pilersuisoqarfinni arpatsitsimmat inuit peqataasut katillugit 936-iupput, Neriuffimmullu aningaasat katersorneqartut katillugit 4.680 koruuniullutik.

Sumiiffinni assigiinngitsuni Pilersuisoq Maajimi Peqqissuusamut atatillugu arpatsitsinerani inuppaaluit peqataapput, isorartussuserlu katillugu 2.400 km missaanni arpanneqarpoq.

Pilersuisup arpatsitsinerminut atatillugu Neriuffimmut aningaasanik aamma katersuiniarpoq, tassa inuup ataatsip peqataanerani Pilersuisoq Neriuffimmut 5 koruuninik tapersiimmat.

Arpatsitsinerit ataani isiginnaarsinnaavatit :)

2. maj: Aappilattoq

Pilersuisoq Aappilattoq arpatsitsivoq allanik sammisassaqartitsiutigaluni.

- Inuit katillugit 60-it missaanniittut peqataapput, arpannerup saniatigut staffet, erinarsorneq arsaannerillu ingerlanneqarput. Arpaqataasut 44-pput, Aappilattumi niuertumut tullersorti Gabriel Hansen paasititsivoq.

 

12. maj: Tasiilaq

Tasiilami Pilersuisoq arpatsitsivoq, inuit 152-it tassani peqataapput.

14. maj: Tasiusaq

Tasiusami Pilersuisoq arpatsitsivoq, tassani inuit 17-it qimmerlu ataaseq peqataapput  :)

 

16. maj: Kangaamiut

- Sila eqqorluarlugu arpatsitsivugut, inuit 26-it peqataapput. Utoqqaanersaq 70-iliissaaq nukarlersarlu marlunnik ukioqarluni. Inuit nipilersuummillu appisimaartut qiimmassaasoralugit nuannivissumik arpatsitsivugut, niuertorput Signe Larsen Kretuzmann paasititsivoq.

 

20. maj: Ammassivik

Ammassivimmi inuit 13-it peqataapput, tamarmik ujaminnapput naggataagullu Pilersuisoq grillerilluni.

 

20. maj: Sarfannguaq

Pilersuisoq Sarfannguaq arpatsitsivoq inuit 12-it peqataaffigisaannik. Nuannisaqaat.

 

20. maj: Oqaatsut

 Oqaatsuni arpanneq aamma ingerlanneqarpoq inuillu 21-it peqataallutik.
- Arpatsitsereeratta nerisassanik peqqinnartunik neqerooruteqarpugut ilassilluarneqartunik, Oqaatsuni niuertorput Anina Olsen oqaluttuarpoq.

 

20. maj: Ikerasak

Ikerasammi arpanneq silagissumi ingerlanneqarpoq, inuit 44-rut peqataallutik.

 

20. maj: Arsuk

Pilersuisoq Arsuk arpatsitsivoq. Peqataasut 26-iupput.

 

 

21. maj: Aasiaat

Aasianni Pilersuisoq arpatsitsimmat ilaqutariinnit peqataaffigilluarneqarpoq, Neriuffimmullu katersineq aamma nuannarineqarluarluni.

 

23. maj: Tiniteqilaaq

- Peqataasut quliupput, arpafillu aputerasaaraluartoq aporfiginagu nuannersumik arpanneq ingerlanneqarpoq. Tullia qilanaarnaq, Tiniteqilaami niuertorput Rosalia Korneliussen unnersiorpoq.

 

23. maj: Qeqertarsuaq

- Sila alianaavissorpoq, peqataasullu katillugit 38-iupput, niuertorput Karl Brandt oqaluttualaarpoq.

 

23. maj: Upernavik

Pilersuisoq Upernavik arpatsitsimmat inuit 21-it peqataapput.

 

26. maj: Kuummiut

Kuummiuni arpanneq ingerlanneqarmat inuit 32-it peqataapput.

 

23. maj: Qaarsut

Qaarsuni arpatsitsisoqarmat inuit 57-it peqataapput. Peqataasuni utoqqaanersaq 85-inik ukioqarpoq nukarlersarlu arfineq pingasunik qaammateqarluni.

 

28. maj: Kitsissuarsuit

Kitsissuarsunni arpanneq ingerlanneqarmat inuit peqataasut 20-upput, sila nillikujukkaluartoq arpanneq nuannersumik ingerlanneqarpoq.

 

Paamiut

Paamiuni arpatsitsineq ataasinngornerit sisamanngornerillu maaji tamaat ingerlanneqarpoq, taannalu Paamiuni Klub Kalaaleq suleqatigalugu ingerlanneqarluni.
Inuit 100-t missaanniittut peqataasarput.

 

28. maj: Nanortalik

Nanortalimmi arpatsitsineq ingerlanneqarmat sila avannerujukkaluartoq inuit qulit peqataapput.

 

29. maj: Saattut

Umiarsuup tikinngilaattaa Sattuni arpatsitsineq ingerlanneqarpoq.

 

29. maj: Eqalugaarsuit

Arpatsitsoqarmat inuit 13-it peqataapput nuannisarsimappullu.

Arpareernerup kingorna sava suppimik pølsinillu Pilersuisoq tuniniaavoq.

 

27. maj: Kapisillit

Kapisilinni arpatsitsisoqarmat inuit qulit peqataapput.

 

27 .maj: Isortoq

Isortumi arpatsitsineq ingerlanneqarmat inuit 22-it peqataapput.

 

30. maj: Kangaatsiaq

Pilersuisoq Kangaatsiami arpanneq ingerlanneqarmat inuit peqataasut 77-iupput, taakkulu akornanni utoqqaq tappiitsoq aamma arpaqataavoq.

 

30. maj: Aappilattoq

Aappilattumi arpanneq ingerlanneqarmai inuit 27-t peqataapput,  utoqqaanersarlu 79-inik ukioqarluni.

 

1. Juni:  Itilleq

Itillimi arpanneq maaji naareeraluartoq ingerlanneqarpoq, tassa Meeqqat Ulluat iluatsillugu aaqqissuussisoqarami. Inuit 21-t peqataapput.

 

Sumiiffiit ilaanni arpatsitsineq kinguartinneqarallarpoq sila ajorsimammat, aqqut suli aputeqarmat sikuummalluunniit, sumiiffiillu ilaanni nalunaartut ikippallaaramik.

Narsarmijini aamma arpatsitsipput 41-nik peqataaffigineqartumik, assiliivilli ajorsimammat assiliisoqarsimanngilaq.

Pilersuisukkormiut torrak :)