Pilersuisoq Aasiaat - Allilerneqarlunilu nutarterneqartoq

Aasianni Pilersuisup pisiniarfia allilerneqarluni nutarterneqareerluni ullumi tallimanngornermi 27. januar 2017 piareerpoq. Allilerineq nutarternerlu 1.850.000 kroninik naleqarsimavoq. Atortut tamarmik taarserneqarput, pisiniarfillu maanna pisataqalerpoq qalipaatigissunik nutaaliatullu isikkulikkanik. Pisiniarfik 100 m2 –nik ilaneqarpoq, taamaasilluni nerisassaanngitsunik tuniniagassanut inissaqarluarnerulerluni.

Nutarterineq pivoq Aasianni Pilersuisumi sulisut kiisalu illoqarfiit nunaqarfiillu qanittumiittut pisiniarfiisa sulisuisa ilaasa aggersimasut suleqatigiinnerisigut.

Finn Fabricius, pisortaq, Pilersuisoq:

- Aasianni pisiniarfitta nutarterneqarnera nuannaarutigeqaara. Pisiniarfik nutaanik atortoqalerpoq tamatumalu saniatigut qalipaatit ullutsinnut naleqquttut atorneqalernerat pisisartutsinnit sulisutsinnillu nuannarineqarluarumaartut neriuppunga.

- Pisiniarfiup allilerneratigut nioqqutissat nerisassaanngitsunik taasartakkatta pisisartunillu noqqaassutigineqartut inissaqartillualissavagut. Nutarterinitsigut pisiniarfeqalerpugut nunatsinni pisiniarfinnut angisuunut sanillersuussinnaalluartumik.

Aasianni Pilersuisumi sulisuupput 22-it, taakku ilagalugit ilinniartut pingasut.

Inussiarnersumik inuulluaqqusillunga

Finn Fabricius

Pisortaq - Kædedirektør

ffa@kni.gl