Pilersuisoq nutaamik isikkoqalerpoq

Pisiniarfipput iserukku kalaalerpaluttuunera nunallu ilisimalluakkat tulluusimaarutigisallu pisiniarfimmi takutikkusupparput – taamaattumik pisiniarfiup isikkua nutaaq ulluinnarni ataatsimoorutarput aallaavigalugu KNI-p pilersippaa.

Pisiniarfinni kalaalerpaluttunik ersarissaaniarnitsinni pingasut ilisarnaataasut atorpavut: Iigaq qisuk, pinngortitamik inunnillu ilisarititsineq kiisalu nunatsinni piorsarsimassutsikkut pinngortitamilu ilisarnaatinik ilusilersuineq.

Iikkat qisuit toqqarsimavagut illuutivut amerlanerit qisunnik sanaajummata. Tungujortoq taartumik qalipassimavagut Pilersuisoq KNI-p qalipaataanut ilaammat.

Nunaqqativut kalaallit assingi qanimut takuneqarsinnaapput, taamatuttaaq nunami alianaalluinnartumi najugallit assigiinngitsut. Pinngortitami assit soorunami ilaapput, tamatta ataatsimoorfigigatsigu Siorapalummi, kujataani Aappilattumi imaluunniit Ittoqqortoormiini najugaqaraluarutta. Pinngortitarput asseqanngilluinnartoq uagutsinnut kinaassusiliisuuvoq.

Tamakku tamarmik titartakkat kalaallit kulturiannut pinngortitamullu ataqatigiissarneqartut uagutsinnut isikkoqalersitsipput: Nunatta Pilersuisua.

Tasiilami Pilersuisoq nutaamik isikkoqalernissaa piariingajalerpoq, tulliuttullu tassaapput Pilersuisoq Upernavik aamma Uummannaq.

… neriuppugut angerlarsimasutut misigiumaartutit.

nyt-butiksdesign-630px-02.jpg

nyt-butiksdesign-630px-03.jpg

nyt-butiksdesign-630px-04.jpg

nyt-butiksdesign-630px-05.jpg

 

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl