Narsami pikkorissarneq iluatsilluartoq

Pisiniarfigissaanermi pikkorissarnermi peqataasut ilaat.

Oktoberip 15-ianiit 18-iat ilanngullugu Narsami Pisiniarfigissaaneq – Salgsklarbutik pikkorissarfigineqarpoq.

Pisiniarfigissaaneq

Pikkorissarneq ulluni sisamani Narsami ingerlanneqarpoq, Nunap immikkoortuani Kujataani pikkorissarnermut katillutik 13-nit peqataatinneqarlutik. Pikkorissaasorineqarpoq Carsten Bruhn Daugaard Qallunaat Nunaanniit. Pikkorissartut sakkussaminnik pissarsiaqarluarsimapput.

Siornatigut pisiniarfigissaanermi pikkorissarneq ingerlanneqaraangat piffinni niuertut pikkorissartinneqartarsimapput, tamatumuunali sulisut/ikiortit pikkorissartinneqarlutik. Pisinniarfiup iluani uummaarissumik ussassaarisinnaaneq, qalipaatit malillugit pisiassanik  aammalu kusassaataasinnaasut assigiinngitsut ilaatinneqarsinnaaneri pikkorissarfigineqarput.

Pikkorissareernerup kingorna piffimminnut uterunik suleqatiminnut paasisimasatik ingerlateqqittussaavaat.

Assi qulaaniittoq sakkoq A-B-C-uvoq, A-B-C-p isumai: pisiarineqarnerpaat, akunnattumillu pisiarineqartartut pisiarineqarnerlu ajortut qanoq ilioqqarsinnaanersut paasisaqarfigineqarput, A-p nalaanut iliorarneqartartut tassaallutik pinngitsooratik pisiarineqartartussat.

KNI-mi naleqartitatta imarisai, pisisartunik qitiutitsineq, akisussaaqataaneq, nutaamik eqqarsarneq suleqatigiinnerlu eqqartorneqartut aamma ilagaat. Ullaakkut pisiniarfimmut isernermi kaajallaasarnissaq, nioqqutissanik ilioraariaaseq allagartalersuinerillu pikkorissarnermi aamma ingerlanneqarput.

Sulisunik ukkassilluarsinnaaneq, utaqqiinnaranilu suliassanik tigusisinnaaneq pilersaarusiorsinnaanerlu paasisaqarfigalugit aamma pissarsiaqarfigaat.

Narsap katersortarfiani pikkorissartut.

Narsami pikkorissarnermut peqataasoq, Qassiarsummiit Maren Johnsen, pikkorissarneq pillugu imak oqaaseqarpoq;

“Nunaqarfimmiuulluni Pilersuisumut angisuumut suliartoqqaarluni nalunarpoq, pisiniat nutaat suleqatillu “aatsaat” ilisarisimalikkat. Pikkorissarnerup aallartinnginnerani pisiniarfiup quia kiisalu naqqup ilua torersaapparput. Mikisuaqqami sulisuulluni pikkorissaqataanerlu ajorluni ilisimasakka annikissimasut paasivakka. Iluarisimaaqaara sulisuinnaagaluarluta pikkorissartinneqarnerput.
Torrak, qujanaq!”

Nunaqarfimmiit illoqarfimmut tikilluni suleriaatsip allaanerunera maluginiarneqarpoq, isiginnittariaaserlu siammasinnerulerneranik kinguneqarluni, Pikkorissarneq aliikkusersoqatigiinnermik naggaserneqarpoq, assut qiimmaallaataasumik.

Pilersuisumi sulisut aliikkusersortut.

 
Pikkorissarnermi peqataasut saamimmiit: Pikkorissaasoq Carsten Daugaard, Kristiane Isaksen,  nutserisoq Mona Dalager, Anne Sørine Olsen, April Abrahamsen, Apolonie Karolussen, Sørine Isaksen, Maren Johnsen, Gerda Poulsen, Hans Nielsen, Hansine Eliassen, Nukaaraq Knudsen, Ellen Dorthea Isaksen aamma Juliu Jakobsen.