Ukiut 40-nngorlugit nalliuttorsiortoq

Karl Petersenip (Hårki), 54, maanna Upernavimmi quersuarmi etagelederitut atorfilik, ukiuni 40-ini sulisimanera 14. Januar 2017 malunnartinneqarpoq, ilaqutai peqatigalugit.

Ataqqinartorsuup Dronningip nersornaasiuttagaanik Fortjenstmedalje-mik sølviusumik saqqarmiulerneqarpoq, tamannalu pivoq Upernavimmi innuttaasut illuanni katerisimaarnermi.

Saqqarmiulerneqarnerata saniatigut allagartamik ukiuni 40-uni sulisimaneranut uppernarsaammik aamma KNI A/S-imit tunineqarpoq, tunniussisuulluni Pilersuisup Avannaanut tuniniaanermut pisortaa Ole Løvstrøm.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl