Narsami Pilersuisoq nutaanik aqutsisortaartoq

Narsami Pilersuisumi aqutsisut inuusuttut siumut aallartitsisussat

Pisiniarfimmi pisortanngortup Thomas Kristoffersenip, 26, tullersortigiligaatalu Arsiarpa R Olesenip, 31, atorfinitsinnerisigut illoqarfimmi pisisartulerngusaanneq sakkortusineqassaaq. Inussuttummi taakku piginnaasaat suliassamut naapertuuttut iluaqutiginerisigut Kujataani Pilersuisup pisiniarfiisa annersaata suli kaaviiaartitaqarnerulernissaa siunertaavoq.

Pilersuisumut pisortap, Finn Fabriciusip, nunaqarfinni illoqarfinnilu katillugu pisiniarfinnut 66-usunut pisortaasup isertunngilaa pisut assigiingitsut soorlu illoqarfinnut anginernut nutserinerit Pilersuisup annerusumik sunniuteqarfigisinnaanngikkai. Aamma taamaappoq Narsami, Finn Fabriciusilli qulerutiginngilaa inuusuttut uku niuernermik misilittagaqarlualereersimasut sulisunillu akuutitsinissamik pingaartitsisut sulinermikkut angusaqarluassasut.  

Finn Fabricius:
- Pilersuisup silatusaartumik ingerlatsinissaa ukkatariuassallugu pingaaruteqarpoq. Pisisartut unammissutigivagut, qularutiginngilaralu inuusuttut uku, kujataani tuniniaanermut pisortaq Arne Lyberth Petersen peqatigalugu, ersarissumik siunnerfeqarlutik Narsami pisisartut amerlanerit namminerminnut saatikkumaaraat. 

Nunap immikkoortuanut Kujataanut tuniniaanermi pisortaq Arne Lyberth Petersen, Narsami Pilersuisumi tullersorti Asiarpa R Olesen, pisiniarfiup pisortaa Thomas Kristoffersen Pilersuisullu pisortaa Finn Fabricius.