PILERSUISOQ AAMMA MAAJI PEQQISSUUTIGUK

Maaji Peqqissuutiguk ukiumoortumik ingerlanneqartartussanngorlugu PILERSUISOQ-mit ukiut arlerlugit ingerlanneqartalerpoq. Ukiormanna PILERSUISOQ-up pisiniarfii 38-it arpatitsipput allatigullu aaqqissuussillutik inuit 1470-it peqataaffigisaannik.

Sumiiffinni amerlasuuni aputeqarpallaarmat arpatitsinissat arlallit pinngitsoorput, nunali nuiniariarpat silami aaqqissuussinerit ingerlanneqarumaarlutik.

Finn Fabricius, pisortaq, PILERSUISOQ:

-Maaji Peqqissuutiguk isumassarsiatsialaavoq iliuusitsialaallunilu, taassumalu periarfissippaatigut pisisartugut pisarnermit allaanerusumik peqatiginissaannut. Sumiiffinni 66-ni pisiniarfeqarfitsinni amerlasuuni kisiartaalluta pisiniarfiuvugut ullullu ingerlanerani katersuuffiusarluta. Taamaammat sumiiffinni najuuffigisatsinni pisiniarfeqarnitta saniatigut tamaani innuttaasunut suleqataalluarusuppugut, aningaasaliissutigisartakkattalu saniatigut Maaji Peqqissuutiguk iluaqutigalugu peqqinnarnerusumik ingerlatsinissamut peqataarusulluta.