Tusagassisiuutitigut naunaarut / Sermitsiami allaaserisamut naqqiut:

Neqi A/S nioqqutinik uumasut nakorsaannit akuerisaasunik Danmarkimut nakorsiartut angerlarsimaffiinut nassiussisinnaavoq.

Toqoraanerup nalaani Narsami toqoraavik Neqi A/S uumasut nakorsaannik piffissaq tamaat nakkutigineqaannavittarpoq. Neqit Nunatsinni tuniniarneqartussat uumasut nakorsaannit Namminersorlutik Oqartussaneersunit misissorneqartarput, kiisalu neqit EU-p iluani avammut tuniniarneqartussat uumasut nakorsaasa misissortarlugit.

Maannakkut Neqi A/S-ip uninngasuutigai savaaqqat neqaat 43.835 kg kiisalu savat neqaat 11.500 kg. Neqit taakku EU-p iluani avammut tunisassatut akuerisaapput, taamaattumillu ajornaquteqanngitsumik Danmarkimi nakorsiartut angerlarsimaffiinut tunineqartariaannaallutik, tunisassiorfimmi pisortaq Viggo Djurhuus oqarpoq.

Nerisassat Nunatsinni Neqi A/S-imeersut pineqartut tassaapput: Savaaqqat savallu.

Inussiarnersumik inuulluaqqusillunga Med venlig hilsen - Best regards

Fabrikschef, Viggo Djurhuus

vdj@kani.gl +299 66 11 19