Neqi A/S-imi savaaqqat neqaat Islandimeersut

Sejer Sikemsen-ip savaaqqap talia takussutissiaraa.

Narsami atorfiit atatiinnarumallugit Neqi A/S savaaqqat neqaanik 18 tonsit missaaniittunik Island-imiit eqqussivoq. Narsamilu tunisassiarineqarsinnaanngorlugit aggorneqartarput.

“20-it missaani tunissassiortunik sulisoqarpoq, taama iliornitsigut atorfiit ataannartissinnaavagut” - Fabrikschef Ole Vestergaard oqarpoq.

Kalaallit Nunaanni savat Islandimiit pinngorfeqarput, taama ittumillu suli Kalaallit savaatai Islandermiut savaataanut assingupput. Kalaallit savaatai assigalugit Islandimi savat qaqqaniisinneqartarput narsaamanernilu, taama ilillutik savat ivikkanik issittullu naasuinik avatangiiseqarlutik.

Savaaqqat Islandimeersut erseqqarissumik Neqi A/S-imit meqqilerneqarput, pisisartut paatsoortikkumanagit – eqqussinermilu akitsuutit aningaasartuutaagaluartut akigititaasut Kalaallit savaataanut sanilliullugit akikinnerulaassapput.  

Tamanna ilutigalugu Neqi A/S-imi Kalaallit nioqqutissiassaataanik pilersuinerput annertusassavarput, periusissiarput naapertorlugu. Matumani SPS (Savaatillit Peqatigiiffiit Suleqatigiissut) suleqatigaarput Kujataani naasorissaaneq annertusarumallugu Kangerlussuarmiillu umimmannik pilersuisoqalernissaa pillugu, tamanna tunisassiorfitta Kalaallit nioqqutissaataanik pisariaqartitsinera matussuserusullugu aammalu ukioq kaajallallugu Narsami sulisoqarsinnaarusulluta.

Savamit suppiliassaq Islandimeersoq.