Neqi suliffinnik pilersitsivoq.

2020-mi Neqi suliffinnik pilersitsivoq, sulisut agguaqatigiissillugu arfineq marlunnik ilagamik.

Narsami toqoraavik.

2019-imi decembariugaa Kommune Kujalleq Neqi A/S-ilu suleqatigiillutik innuttaasunut ataatsimiisitsipput, tassanilu isumaqatigiissutigineqarpoq Neqip tungaaniit suliffissanik amerlanernik pilersitsiniartoqassasoq – toqoraanerup aamma avataatigut. Kommunip tungaaniit neriorsuutigineqarpoq aalaakkaasunik sulisoqarnissaq anguniarlugu kommuni ikiuukkumaartoq, toqoraanerup nalaaniunerusoq eqqarsaatigalugu.

2020 maanna naavoq, Neqillu sulisuni arfineq marlunnik ilavai.

Sulisut amerleriarnerannut peqqutaasut ilagaat 2019-imi savaaqqanik savanillu 2018-imit tunisaqartoqarnerummat, taamatullu aamma savaaqqat neqaannik Islandimeersunik aasaq 2020 pisineq peqqutaaqataavoq.

Taakku saniatigut periusissiaq aallaavigalugu sulinissamut tunngavissaq Neqip suliarivaa, tassani ilaatigut allaffissornermi sulisut amerlineqarnissaat pilersaarutaavoq, pitsaasumik ineriartorneq attakkumallugu. Taamaattumik 2021-mi sulisut suli amerliumaartut naatsorsuutaavoq, 2020-mi tunisineq annikinnerulaaraluartoq.

Neqimit 2017/2020-mi inuup ataatsip suliarisinnaasaata naatsorsornerat.

2021-mi pilersaarusiorluni suliniutissat naammassineqartussat ukuupput: Umimmaat neqaannik nerisassat piareeriikkat, neqit panertut pujuukkallu amerlanerit kiisalu savaaqqanik suliarineqanngitsunik annikinnerusumik tuniniaaneq.

Kommuni qutsavissaraarput, kommunimi sulisut 12-it toqoraanerup nalaani Qaqortumit Narsamut nuukkallarneranni ikiuulluarput, ukiullu ingerlanerani piginnaanngorsaqqittut sulilertinnissaannik suleqatigilluaratsigit.

Inuilimi industrimi toqoraanermi fagimi ilinniartitaanermik isumannaagaqarnissaq Neqip aamma sulissutigaa, ineriartortitsinissatsinnummi suleqatigut pitsaanerpaamik piareersarnissaat angorusukkatsigu.