Neqi A/S-imut tunisineq uumasunik neqinillu amerlanernik pilersitsivoq

Narsami ukioq manna Neqi A/S-imut tunisassiorneq 2017-imi oktobarip naanerani naammassivoq. Tunisassiorneq septembarip qiteqqunnerani aallartippoq, taamaalilluni qaammatip aappaa avillugu tunisassiorneq ingerlanneqarpoq.

Ukiut pingasut ingerlanerini ukioq manna savaaqqanik savanillu tunisassiorneq qaffasinnerpaaffissaminiippoq, soorluttaaq aamma 2017-imi kiilumikkut ukiunut siullernut marlunnut sanilliullugit annertunerusut.

Savaaqqat toqorarneqartut amerlinerata kinguneraa Nunatsinni savanik savaaqqanillu pitsaalluinnartunik kujataaneersunik piumaneqarluartunik pilersuisinnaanerulerneq – soorluttaaq aamma suliffiit pingaarutillit taamaalilluni paariinnarneqarsinnaasut.

Neqi A/S-imut neqinik tunisinerup qaffariarnera pitsaalluinnartuuvoq, taamaasillunilu aamma savaatillit peqatigiiffiata SPS-ip Neqi A/S-illu ilimagisaattut, neqinik tunisisarnerup qaffakkiartornissaa piviusunngortinneqarluni.

2018-imi savaaqqanik savanillu tunisassiornerup ineriartornerata suli pitsanngoqqinnissaa ilimagineqarpoq.

Ukioq manna tunisat kisitsisinngorlugit

Tunisat katillugit:                   2017                                            2016                            2015

Savaaqqat                         Savaaqqat 18.818-it           Savaaqqat 17.458-it      Savaaqqat 18.425-t Savat                                 Savat 1.758-it                     Savat 1.183-it                Savat 1.513-it                

Agguaqatigiissillugu:         15,38 kg.                            15,93 kg.                       13,36 kg.                 
Savaaqqat Kg:                    289.468 kg.                        278.108 kg.                   246.228 kg.

Nersussuit:                        41-t ukioq kingulleq 23-t
Naatsiiat:                           111 tons-it ukioq kingulleq 100 tons

Naatsiiat akuutissaqanngitsut amerlanerusut
Neqi A/S-imit naatsiaat akuutissartaqanngitsut ukioq manna amerlanerusut Nunatsinni tunisassiarineqassapput. Naatsiiat tunisassiarineqartut ukioq 2016-imiit sanilliullugit naatitsisartunit amerlanerusuniit pissarsiarineqarput, pilersaarutaavorlu ukiup tulliini naatsiianik tunisassiisarneq qaffakkiartortinneqassasoq.

2017-imi ukiakkut Neqi A/S-ip naatsiianik naatitsisartut kinguneqarluartunik ataatsimeeqatigisaqattaarpai, taamaattumik naatsiaanik Nunatsinneersunik 2018-imi naatitsisarneq pilersaarusiorluarneqarnerulerlunilu nassiussueriaaseq pitsanngorsarneqassaaq.  Neqi A/S-imit naatsorsuutigineqarpoq aasaq 2018 tikillugu pisiniarfiit naatsiianik pilersorneqassasut.

Ukioq manna umimmannik tuttunillu tunisisoqanngilaq
Neqi A/S ukioq kingulleq umimmannik 57-inik Arsuup Kangerluaniit tunioraalluni misiliivoq, misiliinerlu iluatsitsilluarfiuvoq.

2017-imuttaaq ukiup siuliani misiliineq assigalugu umimmannik Arsuup Kangerluaniit tunisinissaq pilersaarutaagaluarpoq, ajoraluartumilli ukioq manna Neqi A/S Arsuup Kangerluaniit umimmannik tunisiffigineqarsimanngilaq. Tunisisoqannginneranut pissutaasoq maannakkuugallartoq Neqi A/S-imut suli nalunaarutigineqanngilaq.

Umimmannik pissarsinngitsoorneq assigalugu aamma 2017-imi tuttunik tunisisoqarsimanngilaq. Tassunga aamma suna pissutaanersoq ilisimaneqanngilaq.

Umimmannik tuttunillu tunisisarneq eqqarsaatigalugu 2018-imi ingerlanneqaqqinnissaa pilersaarutigineqarpoq.

Annertunerusumik paasiniaavissaq

Per Jensen
Pisortaq, NEQI A/S
per@kni.gl
+299 862378