Neqi A/S-imi sulisut Inuilimi pikkorissartut

Peqataasut saamimmiit: Pikkorissaasoq Carina Serano, Andreas Abelsen, Frederik Geisler, Anna Lisa Mikaelsen, Hans Nielsen, Sofie Elisasen, Sofus Hansen, Christian Bork, Cecilie W. Hansen, Arnannguaq Josenius, Jonas Stach, Kitdlak Lynge aamma Søren Boassen.

Neqimiit suleqatigut aqqaneq marluk Inuilimi sapaatip akunnera kingulleq LEAN-imut pikkorissarput.

Neqi A/S-imi ippassarmiit pitsaanerulaartumik suleriuseqarnissaq ukkatarineqartuaannarpoq, pikkorissarnerullu uuma sulisut suliffimminni pitsanngorsaataasinnaasunut annerusumik peqataatinneqarsinnaanngussapput.

- Sulisut aqqaneq marluk suliffimminnut uteqqipput piumassuseqarluarlutik, suliassanillu nutaanik isumassarsiaqarlutik, taakkulu piffissami qaninnermi sammissavagut, Ole Vestergaard, Neqimi pisortaq, unnersiorpoq. LEAN-imut pikkorissarneq suliffeqarfinni suleriaatsinik pitsanngorsaaniarnermi sakkussanik eqqarsartariaatsinillu nutaanik pikkorissarfiuvoq – uanilu nerisassiorneq sammineqarpoq. Peqataasut aamma uisinneqarput: - Suliffipput qimalaarlugu silataaniillu isigalugu pissarsiaqarnaqaaq. Ulluinnarni amigaatigisagut igiinnarneqartartullu qanoq annertutigisut takuagut. Taakkulu saniatigut sakkussatsinnik tuniorarneqarpugut, ataatsimoorluta suliffitta pitsanngorsarnissaanut iluaqutissatsinnik, slagtermesteri Sofus Hansen oqaluttuarpoq.

Christian, Hans, Cecilie aamma Sofus suliassartik nuannarilluinnarpaat.

Christian, Hans aamma Sofus legonik fabrikkiliartik aalluteqqissaaraat.

Toqoraavimmi suleqataasoq Christian Bork ilaliivoq: - Pikkorissaqataasut tamarmik peqataalluarput tamattalu eqiiallappugut. Iluarpoq suliffitsinni pissutsinik pitsanngorsaaniarnermi peqataatinneqarluni. Ataasinngornermi ullaakkut toqoraavimmut suliartoqqikkatta malugaarput qiimmasaartugut ‘just-do-it’ suliassagullu aallartikkusullugit erinisuttugut, neriuppugullu pisortatta pilersaarutigut annertunerit taperserumaaraat.

 
Anna Lisap LEAN tavleq takutikkaa.