Neqi A/S-imi qimminut nerukkaatissiorneq

Toqoraanermi perlukut ukiuni kingullerni 60-ini pinngortitami nunamut matoorunneqartarsimasut maanna qimminut nerukkaatissiornermi atorneqartalerput.

Kommune Kujalleq 2014-imi aalajangerpoq toqoraanermi perlukut nunamut assaanneqartarnerat inerteqqutaalissasoq. 1950-ikkunnili toqoraanermi perlukut assaanneqanngikkunik arlaatigut igiinnarneqartarnikuupput.

Assaassisarnerup inerteqqutaalerneranut atatillugu perlukut nioqqutissiarineqarsinnaanerinik Neqi A/S kommunimut isumaqatigiissusiorpoq.  2015-imi misileraalluni nerukkaatissiortoqarpoq, misileraanerlu iluatsittumik ingerlavoq. Neqi A/S taamaalilluni perlukut 40 tons missaanniittut nioqqutissiarai, kiisalu taamak oqimaatsigisunik 2016-imi aamma nioqqutissioqqilluni.

Neqi A/S-ip taamatut perlukunik nioqqutissiorluni misileraanini ilutigalugu qimminut nerukkaatissiulersinnaanerminik akuersissummik qinnuteqarpoq, qinnuteqaallu apriili 2016-imi akuerineqarpoq.

Akuersissummik pissarsisoqareerneratigut Ilulissani Sisimiunilu qimmiutillit nerukkaatissanik misileraanissamik neqeroorfigineqarnikut katillugit 800 kg missaannik oqimaatsigisunik nassiussivigineqarnikuupput.  Nassiussivigineqartullu tamarmik assut iluatsitsilluarsimallutik unnersiorput.

Perlukunik nerukkaatissiortalerneq pinngortitamut pitsaasumik sunniuteqarpoq, nutaanik suliffissaqartitsilerluni kiisalu proteineqarluartunik qimminut nerukkaatissiortoqarsinnaalerluni.

Qimminut nerukkaatissat Neqip Narsami toqoraaviani pisiarineqarsinnaapput imaluunniit pisisa.gl-ikkut allatsinneqarsinnaallutik.

Inussiarnersumik Inuulluaqqusillunga

Per Jensen
Pisortaq, NEQI A/S
per@kni.gl