Neqi aamma Pisiffik suleqatigiillutik ineriartortitsisut

Suleqatigiit tamarmik pissarsipput, pisisartullu nioqqutissianik assigiinngitsunik qinigassaqarnerulerput. Tamanna Pisiffik A/S-p Neqi A/S-illu qanimut suleqatigiinnerisa kinguneraat.

Savaaqqap tartunaa, nutaamik allaasumik nioqqutissiaq, Neqi A/S-imi siornatigut nioqqutissiarineqartarsimanngitsoq

Atuisut qinertagaat allanngorsimapput nutaamillu periaaseqalerneq nutaamik eqqarsarnermik pisariaqartitsivoq. Tamanna Pisiffik A/S-ip Neqi A/S-illu peqatigiillutik suliassamittut tiguaat, tamatumalu kinguneraa niioqqutissiat nutaat arlalissuit Pisiffik A/S-ip Kitaani illoqarfinni arfinilinni niuertarfeqarfigisaani pisiarineqarsinnaalernerat. Atuisut qinigassaqarnerulerput, saniatigullu nioqqutissiat nioqqutissioriaatsillu nutaat Narsami toqoraavimmi sulisunik ilikagaqarnerulersitsipput, pingaartumik toqoraaviup 2013-imi nutaanngorsarnerata kingorna, tamannami siornatigumut naleqqiullugu periarfissiimmat assigiinngitsunik amerlanerusunik tunisassiorsinnaanermut.

Suleqatigiinneq 2014-ip ukiaani aallartilluarpoq. Pisiffik A/S-ip kissaatai assigiinngitsut arfineq marluupput. Taakkunannga arfinillit Neqi A/S-ip nioqqutissiarereersimalerpai, Pisiffik A/S-illu niuertarfiini marsip qaammataata aallartinneranilli nioqqutigineqalerput. Anguniarneqartoq tassaavoq nioqqutissiat Pisiffik A/S-ip niuertarfiini tuniniarneqartut naleqarnerulersiitigalugit Neqi A/S-imuttaaq imminut akilersinnaasumik nioqqutissiaallualersinnissaat.

Paartoq nutaaq atuarniarukku una iserfigiuk.