Kujataani ikummatissaasivinnik isumaginnittut Qaqortumi pikkorissarnerat

Assimi takuneqarsinnaapput tunorlerni saamerlerniik: Driftchef Gerth Jack Storer, Kristen Dahl, Eqalugaarsuit , Paninnguaq Mølgaard, Kapisillit, Jonathan Petersen, Alluitsup paa, Niels-Ole Simonsen, Narsarmijit, Asa Egede, Igaliko, Hans Josefsen, Saarloq, Jens Jørgen Petersen, Sisimiut.
Saaniittut saamerlerniik: Sørine Isaksen, Qassimiut, Karla Poulsen, Ammassivik, Timotheus Kanuthen, Arsuk, Angajo Manassen, Aappilattoq, aamma Assassaq Gedionsen, Nanortalik.

Nanortallip, Qaqortup, Narsap, Paamiullu nunaqarfiini Pilersuisoqarfinni ikummatissaasivinnik isumaginnittut pikkorissartinneqarput.

2009-p kingorna maannamut qulingiluassaa ikummatissaasivinni isumaginnittunik pikkorissaaneq ingerlanneqarpoq. Aallartinneraniit maannamut nunaqarfinni ikummatissaasivinnik isumaginnittut 182-t pikkorissarneqarsimalerput. Pikkorissaasarnerup siunertaraa piffinni ikummatissaasivinnik isumaginnittut ingerlatsinermi ilisimasassanik pingaaruteqartunik ilisimasaqalernissaat.

Saqqummiisoqarnerani pikkorissartut oqallinnerni peqataalluarnerisa aammalu apeqquteqarusussuseqarnerisalu takutippaat nunaqarfinni ikummatissaasiviit aserfallatsaalineqarnissaanut ingerlanneqarnerannullu pingaaruteqarluinnartoq ikummatissaasivinnik isumaginnittut pikkorissartittuarneqartarnissaat.

Pikkorissaanerup ingerlanerani inuit ukua qulequttanik saqqummiipput:

Polaroil-imiit pikkorissaapput Gerth Jack Storer aamma Jens Jørgen Petersen, ilaatigut sammillugit ikummatissaasivinnik ingerlatsineq, aserfallatsaaliineq, sakkuutit, nioqqutinik ilisimasaqarneq, isumannaallisaanerlu. Pikkorissartut periarfissinneqarputtaaq Qaqortumi Polaroil-ip peqqumaasiviani atortunik assigiinngitsunik suliassaalersartunik assassorissanik misileraanissaminnut.

Kalaallit Rødekorsianiit Grethe G Nielsen ikiueqqaarnermi pikkorissaavoq.

Sofie Marie Møller Polaroil-ip naatsorsuuseriviani sulisoq nunaqarfinni ikummatissanik uuttuereernermi qaammammut naatsorsuutinut ikkunneqartarneri pillugit saqqummiivoq. Aammattaaq pikkorissartut Gerth Jack Storer peqatigalugu kisitsisinik naatsorsuivinnut ikkussuineq misilerarpaat.

Qaqortumi qatserisartut qatserutaasivimmi ikuallatsaaliuineq pillugu saqqummiipput, pikkorissartullu ikuallattumik qamiterinermik misileraasinneqarlutik.

Dorthea Isaksen HRD-miit KNI-mi naleqartitat pillugit saqqummiivoq oqallitsitsillunilu, pikkorissartullu eqimattani suliaqartinneqarputtaaaq.

Pikkorissartut tamarmik ikiueqqaarnermi, Ikuallatsaaliuiniarnermi aammalu Ikummatissaasivinnik isumaginnittutut pikkorissarsimasutut allagartartaartinneqarput.

Peqataasut:
Timotheus Kanuthsen, Arsuk, Paninnguaq Mølgaard, Kapisillit, Asa Egede, Igaliku, Jonathan Petersen, Alluitsup Paa, Karla Poulsen, Ammassivik, Sørine Isaksen, Qassimiut, Kristen Dahl, Eqalugaarsuit, Hans Josefsen, Saarloq, Niels-Ole Simonsen, Narsarmijit, Angaju Manassen, Aappilattoq, Assassaq Gedionsen, Nanortalik.

Peqataasut tamaasa pilluaqqungaarpagut