Ukiuni 45-ni KGH/KNI-mi sulereerluni soraarninngorpoq

Søren Møller ukiuni 45-ni KGH-mi KNI-milu sulereerluni soraarninngorpoq, tamanna pillugu KNI-mi qitiusumik kiffartuussiviani suleqataasa sisamanngorneq 31. marts 2016 inuulluaqquaat ilasseqatigiissitsinermi.

Inuulluaqqusinermi pisortaaneq Peter Grønvold Samuelsen oqalungiarpoq KNI-lu sinnerlugu soraarninngortoq tunissuteqarfigaa. 

Pisortaaneq Peter Grønvold Samuelsen oqalugiarnermini ilaatigut ima oqarpoq:

“Asasara Søren Møller,

Naalagaaffimmi, KGH-mi, GTO-mi KNI-milu katillugit ukiuni 45-ni sulereerlutit maanna soraarninngorputit. Qullissani 15-iinnarnik ukioqarlutit KGH-p allakkerisarfiani sulileqqaarsimavutit. GTO-mi sulillatsiariarlutit 1972-imi Qullissaniit maanga Sisimiunut nuukkavit, umiarsualivimmi suleqqaariarlutit 1975-imi pisiniarfimmi sulilersimavutit. Kingorna qitiusumik allaffeqarfimmi sulilersimallutit. 

Inuit ilittut ittut suliffeqarfimminnut ilumuuginnaratik aammali suliassat torersumik ordnilimmillu naammassineqarnissaannik pingaartitsisut amerlasoorsuunngillat – taamanikkut sulisut qullersarisaminnit erseqqissumik sakkortuumillu piumaffigineqartarput perorsaatigisartakkaminnik.”