Ikummatissaasivilerisunngorniat allagartartaarput

Ataasinngornermi 29. oktober 2018 KNI A/S-ip Sisimiuni Kiffartuussiviani Ikummatissaasivilerisunngorniat 9-it soraarummeerlutik misilitsereernerminni ilinniarsimanerminnut uppernarsaatinik tunineqarput. Ataaseq angalanini pissutigalugu misilitsinngitsoq piffissami qanittumi misilitsissaaq.

Ikummatissaasivilerisunngorniarneq tassaavoq KNI A/S-ip iluani nammineq ilinniartitaaneq 2018-imi aallartitaa. Polaroil-ip ikummatissaasivissuini sulisunut piginnaanngorsarnissamut neqeroorutaavoq.

Ilinniartitaaneq pingasunik immikkoortortaqarpoq, tassa ilinniartut marloriarlutik KNI-p Sisimiuni sulisuminut pikkorissartitsiviani Taqqissuummi ilinniartinneqarput, ataasiarlutillu Sverige-mut Danmarkimullu pikkorissariartinneqarlutik, ilaatigut uuliamik akuiaavissuarnut ikummatissaasivissuarnullu paasisassarsiortinneqarsimallutik.

Ikummatissaasivilerisunngortut tassaapput: Niels-Peter Petersen, Qaanaaq. Roberth Juliussen, Upernavik. Jens S Christoffersen, Qeqertarsuaq. Hans Johansen, Sisimiut. Jafet Rosing, Sisimiut. Finn Løvstrøm, Maniitsoq. Leif Kristiansen, Paamiut. Assassaq Gedionsen, Nanortalik.

Ilinniarsimanermut uppernarsaatinik tunioraasuuvoq KNI A/S-ip pisortaanera Peter Grønvold Samuelsen.