Nunarput Saligaannerusoq

Nunatsinni sumiiffinni tamani ikkatta nunatsinnik saligaatsuutitsinissarput akisussaaffigaarput, taamatullu suliffeqarfittut naleqartitatsinnut ilaavoq torersuutitsinissaq.  Tamanna inuiaqatigiinnut siammarnerunissaa aamma akisussaaqataaffigaarput, taamaattumillu KNI-mi sumiiffinni assigiingitsuni sulisut Nunarput Saligaannerusoq qulequtaralugu saleeqatigeeqqammerput.

 

Kangaatsiaq

Kommune Qeqertalik suleqatigalugu saliineq ingerlanneqarpoq, sila nittaalaaraluartoq inuit arlallit peqataapput.

Tasiusaq

Tasiusami Pilersuisumi sulisut marluk saliipput, kommunep ataatsimiisitsisimammat allamik takkuttoqarsimanngilaq.

Niaqornaarsuk

Sulisut ilaqutaalu saleeqatigiikkamik nuannisartoqarpoq, naggataatigut nereqatigiittoqarluni.

 

Tiniteqilaaq

Ilaquttat peqatigalugit umiarsuup tikinngilaattaa saliisoqarpoq.

 

Qeqertarsuaq

Pilersuisoq Qeqertarsuarmi saliineq silagissuup ataani ingerlanneqarpoq, puussiat arfineq marluk ulikkaapallanneqarlutik.

 

Sisimiut

Kiffartuussivimmi sulisut ilaqutaalu arsaattarfiup eqqaani saliipput.

 

Upernavik

Pilersuisoq kisimi saliinngilaq, sumiiffiit ilaanni Polaroil aamma saleeqataammat. Uani Polaroil Upernavik salissimasartik torersoq takutippaat.

 

Qasigiannguit

Tamaani Polaroilikkormiut aamma saliipput.

 

 

Iginniarfik

Saliineq ingerlanneqarmat peqataasut immikkoortunut pingasunut avillutit saliisimapput, peqataasoqarluarporlu.

 

Saarloq

Saarlumi saliisoqarpoq sutugassaqartitsisoqarlunilu.

 

Ilulissat

KNI Engros Ilulissani aamma saliivoq.

 

Nuuk

Taamatullu KNI Engros Nuummiittoq aamma saleeqataavoq.

 

Qassiarsuk

Qassiarsummi Pilersuisoq saliititsigami sialleraluartoq saleeqataasut nuannersumik saliineq ingerlappaat.

 

Aappilattoq

Saliisoqarmat inuit qulit peqataapput, ataatsimullu saleeqatigiinneq nuannarineqarluarpoq.

 

Uummannaq

Pilersuisoq Uummannami saliineq aamma ingerlanneqarpoq.

 

Qaarsut

Pilersuisumi sulisut ilaquttallu unnukkiartortoq saleeqatigiipput sutugassaqartitsisoqarlunilu.

 

Alluitsup Paa

Alluitsup Paani saliisoqarmat inunniit peqataaffigineqarluarpoq.