Niuertunngorniartut modulit aappassaat ingerlakkaat

Ulluni makkunani ilinniartut aqqaneq marluk illoqarfinnit nunaqarfinniillu assigiinngitsunit aqqaneq marlunneersut KNI A/S-ip niuertunngorniarnermik nammineq ingerlataanut peqataajartorlutik Sisimiuniipput. Ilinniartut 12-iusut maanna atuagarsoriarnertik aappassaarpaat, tassanilu ilaatigut aqutsilluarsinnaanermik sakkussanik tunisissapput, inuillu assigiinngissusaat eqqarsartariaasaatalu assigiinngissusaat aamma ilinniassallugu.

Niuertunngorniarneq qaammatini qulinngiluani sivissuseqartarpoq, pingasoriarlunilu KNI-p kiffartuussiviani ulluni qulini sivisussuseqartumik atuagarsoriartortoqartarluni. Atuagarsoriarnerit akornanni ilinniartut Pilersuisup pisiniarfiini sulinermi saniatigut sapaatip akunneranut marloriarlutik allaaserisamik apuussaqartarput.

Niuertunngorniarnermik aallartitsisut illoqarfinni nunaqarfinnilu pisiniarfinnik ingerlalluartunik ingerlatsinermik ukiuni arlalinni misilittagaqareerput. Taamaattumik pisiniarfimmik ingerlatsineq taakkununnga nutaajunngilaq, mannali atuarneq aqqutigalugu suleriusissiornermut, niuernermut pisisartunullu tunngasunik ilisimasaat paasinninnerallu suli nukittunerulerlunilu annerulissaaq.

Modulit aappassaannik ilinniarnerminnik ingerlatsisut aggerfigaat:

Aasiaat, Paamiut, Tasiilaq, Kulusuk, Qasigiannguit, Nanortalik, Alluitsup Paa, Saattut, Niaqornaarsuk, Upernavik, Sarfannguit aamma Qaanaaq.

Ilinniartut uku ingerlasut holdit ilinniarnermik allaartittut pingajussaraat. KNI A/S-ip niuertunngorniarnermik nammineq ingerlatsinermini suleqatigivaa Mindbiz, ilinniartitaanerup annersaanik ingerlatsisartoq, tamannalu pisarpoq sulisunik ineriartortitsinermut immikkoortortaq HRD qanimut suleqatigalugu.

Niuertunngorniarneq KNI A/S-ip nammineq aningaasalerpaa.