Niuertunngorniarnermi atuaqatigiit sisamaat naammassipput

Niuertunngorniarneq – atuaqatigiit sisamaat – tamarmik angusillutik naammassipput.

Niuertunngorniat 12-it sapaammi 4. november 2018 ilinniarnertik naammassillugu allagartartaartinneqarput.
Atuaqatigiit sisamaat 21. april 2018 Niuertunngorniarneq aallartippaat, taamaalillutillu maannamut pingasoriarlutik Sisimiuni KNI-ip Kiffartuussivianut ilinniarnermik atugarsornertaa ingerlakkiartoreersimallugu.

Niuertunngorniat soraarummeereerlutik unnukkut nereqatigiinneranni KNI-p pisortaanera Peter Grønvold Samuelsen ilaatigut ima oqaaseqarpoq:
"KNI nutaaliaasoq – pisisartuminik qitiutitsisoq – pikkorissunik piginnaaneqqortuunillu sulisoqartoq pilersikkusupparput. Taamatut siunnerfeqarnitta anguniarnerani ilissiuvoq kivitseqataasussat. Ilissiuvoq aqutsilluarnissigut sulisunillu siulersuilluarnissigut suleqatissi piginnaasaannik eqqortumik atuisitsinikkut angusassinnik pitsanngorsaaqataasussat. Ilissiuvoq KNI-p siunissaanik qaamanerulersitseqataasussat."

Niuertunngorniarneq august 2016-ip aallartinnerata kingorna maannamut atuaqatigiiaat aqqaneq marlukkaat sisamat taamaalillutik ilinniartitaaneq pingasunik immikkoortortalik naammassivaat, ikerinnakkut unittoqaratik, tamarmillu angusillutik.

Niuertunngorniarnermi sulisut 48-it taamaalillutik Niuertutut allagartartaartinneqarput.

Tamassi pilluaritsi.