Neriuffiit Kattuffiata katersuiniarneranut KNI peqataavoq

Sineriammi Pilersuisup pisiniarfiini Neriuffiit Kattuffiata katersiniarnerani KNI-mi suleqatigiit tapersiiniarlutik katersinikuupput. Taassumalu saniatigut ataasinngornermi 19. oktober 2020 Kiffartuussivimmi aamma iluatsilluartumik suleqatigiit qanigisatik ilagalugit kaattaassipput. 

Taamaalillutalu tallimanngormat 30. oktober 2020 TV-kkut Neriuffiit Kattuffiat nuna tamakkerlugu katersuiniarmat KNI-p katillugit 233.695,66 kr.-nit tapersiissutitut tunniuppai.  

KNI-mi tapiissutissatut katersat imatut inissisimapput:

• KNI 100.000,00 koruuninik tapersiivoq
• Neriuffiit Kattuffiat SMS-mik unammisitsinerani KNI 25.000,00 koruuninik pisisa.gl-mut gavekortimik tapersiivoq
• Sinerissami sulisut katersaat 36.189,16 koruunit aamma tapersiissutigineqarput
• Kiffartuussivimmi kaattaassinermi 32.131,00 koruunit isertitat tapersiissutigineqarput
• Kantinami katersat 429,00 koruunit tapersiissutigineqarput
• Minnerunngitsumillu naneruuserfik KNI Designimeersoq 40.000,00 koruuninik tapersiissutissanut ilanngunneqarpoq

“Kalaallit tamatta nappaassuaq kræft arlaatigut atassuteqarfigaarput, ukiut tamaasa kræftimik napparsilersartut Nunatsinni amerlapput. KNI-mi inuiaqatigiinni akisussaaqataavugut, taamaatumik pingaartipparput katersuiniarnermut kusanartumut siunertalimmut tapersersuissalluta.” – CSR Manager Najaaraq Thorin Lange taamak fjernsynikkut oqaaseqarpoq.

Innaarsunni niuertorput Mette Kristensen suleqatini peqatigalugit oktoberip naalernerani Innaarsunni iluatsilluartumik bankortitsivoq. Naak isersinnaasut killeqaraluartut ullormi tassani aningaasarpassuit katersorsimavaat, tassami 5.688,50 koruunit isertissimavaat.

Ataasinngornermi 19. oktober Kiffartuussivimmi kaattaassinitsinni ilanngutassiorpugut, uani pisortaanitta Peter Grønvold Samuelsennip checki fjernsynikkut tunniussaa tallimanngormat 30. oktober fjernsynikkut takutinneqarpoq.

Ataatsimut katersueqatigiilluta angusarput kusanaq :)