Nagdlúnguak’ KNI Cup 2021-mi ajugaasuupput

Unamminermi ajugaasut. 

KNI Cup 2021, futsalimik unammisaqattaarnerit, Ilulissani sapaatip akunnerata naanerani ingerlanneqarmata aaqqissuisut Nagdlúnguak’ N-48 ajugaapput.

KNI Cup holdinit arfinilinnit peqataaffigineqarpoq, Ilulissaneersullu holdit marluk, tassa N-48 I-69-ilu, peqataapput, taakkulu immikkut tamarmik holdinik pingasunik marlunnillu peqataatitaqarput. Qaanaaq Sport Clubbimit holdi ataaseq peqataapput.

Covis-19 peqqutaalluni unamminerit timersornermilu aaqqissuunneqartartut allat uninnganikuupput, N-48-milu siulersuisuni siulittaasup, Lena Ravn Davidsenip, unammisaqattaarnerit aallartisaqqinnerat nuannaarutigaa.

- Uku unammisaqattaarnerit 18-it ulluni pingasuni ingerlanneqartut KNR-ikkut toqqaannartumik aallakaatinneqarput. Unammisaqattarnerit iluatsilluarput, iluatsilluarneranullu KNI aamma pisooqataalluinnarpoq tapersersuingaatsiartarneralu qutsavissaraarput, Lena oqarpoq.

Sapaatiummat 21. februar 2021 ajugaanniunneq ingerlanneqarmat N-48 hold I-it KNI Cup 2021-mi ajugaasuupput.

Imatut inissittoqarpoq:

1. N-48 I
2. N-48 II
3. I-69 I
4. N-48 oldboys
5. QSC
6. I-69 II

Nuna tamakkerlugu sungiusaasut Rene Olsen Loke Svanelu unamminermi arsaaattunik isiginnaarput, tassanilu toqqaasoqarmat arsallammattut Lars-Erik Reimer, N-48 I (saamerleq), toqqarneqarpoq, arsalerillammattut holdeqataa Peter Leibhardt (talerperlermi) toqqarneqarpoq, kiisalu Qillaq Kristiansen, Qaanaaq Sport Club (qeqqaniittoq), akiuutillammattut toqqarneqarluni.

KNI-p Qaanaaq Sport Club, unamminermi nr. 5-inngortut, KNI Cup 2021 ingerlanneqarnererani atisat atugaannik ilaatigut tapersersuinikuupput.

Unamminermit assit.