Suleqatigiit ulluat 2017:

KNI-mi ukiumoortumik suleqatigiit ulloqartinneqartarneranni suleqatigiittut akuereqatigiinneq kivitseqatigiissuseqarumanerlu annertusitinneqartassaaq.

KNI A/S-ip Sisimiuni qitiusumik kiffartuussiveqarfiani suleqatigiit tallimanngornermi 27. oktober 2017 ulluinnarni allaffimmi annertunerpaartaatigut timimik atuiffiunngitsumi suliffitsik qimalaarlugu, allarluinnarmik sammisaqarput.

Sisimiuni KNI A/S-ip Kiffartuussiviani suleqatigiit ukiumut ataasiarlutik, Sisimiuni Timersortarfissuani ullloq naallugu assigiinnngitsunik sammisassaqartinneqartarnerat 2015-mi aallartinneqarpoq.

- Suleqatigiittut ulloq allatut atorlugu, timi aalatilaarlugu, unammiuaarluni, pinnguaatinik alutornartunik akoorlugu – suleqatigiittut akuereqatigiilluni kivitseqatigiissuseqarumaneq annertusitinneqartarpoq, KNI-mi sulisunut ulloq allatut atorneqarnerat pillugu, KNI-mi pisortaaneq Peter Grønvold Samuelsen oqarpoq.

KNI-mi naleqartitat ilagaat suleqatigiinneq aamma nutaamik eqqarsarneq, tassanilu suliffeqarfiup pingaartitaraa kalaallit inuunerat ilorleq.Taamaattumik sulisut ullorsiortinneqarneranni aamma qulequtarineqarpoq "Kalaallit inuunerat ilorleq".

Iligiiaat tamarmik immikkut nunaqarfiup arlaannik sumiuussuseqarput. Aaqqissuussinermi Kalaallit Inuunerat Ilorleq qulequtarineqarmat unammiuaarutit kalaalerpaluttuutinneqarput. Ilaatigut avannaata qimussersuartuusaartoqarpoq, umiamik iporsuuttoqarluni,  kalattoortoqarluni,  annoraaliorluni, qaannamik makittarinneqqusaalluni il.il. Ulloq aamma aallartinninerani uaajeertoqarpoq.

KNI-p naleqartitai qitiutillugit sulisunut ulloritinneqartumi assit isiginnaakkit.