KNI A/S-imit juullisunnitsunik agguaassineq

Ullumikkut Ullukinnermi 21. december 2017 Nuugaatsiarmiuusimasunut Illorsuarmiuusimasunullu, aasaq Nuugaatsiap eqqaani tassaarsuaqarnerata kingornatigut illoqarfinnut nunaqarfinnullu nunaqarfitik qimallugit nuussimasut, juullisunnitsutugassaannik agguaassiffigineqarput. KNI A/S juullisunnitsutugassanik agguaassivoq, Kalaallit Røde Korsilu aningaasanik katersorsimasaminik inoqutigiinnut tamanut aamma pisissutissanik KNI suleqatigalug...u tunniussilluni.- Inunnguit ukioq manna sakkortoqisumik peqqarneeqisumillu pinngortitap nukiginik misillertitaasimasut maanna ukiup taarnerpaaffiani qujanaqaaq aamma qungujunnermik pissaqartitaasinnaammata, KNI A/S-imi pisortaaneq, Peter Grønvold Samuelsen, agguaassineq pillugu taama oqarpoq.

KNI A/S-ip inoqutigiinnut 80 missaanniittunut julekoorit tunniussaat DKK 80.000 missaanni naleqarput. Kalaallit Røde Kors-i pisissutissat tunniussaat DKK 151.500,-nik naleqarput.

Uummannami, Aasianni nunaqarfinnilu Illorsuarmiut Nuugaatsiarmiullu nuuffigisimasaanni ullukinnermi nal. 10:00-11:00 juullisunnitsunik agguaasoqarpoq Pilersuisup pisiniarfiani. Illoqarfinni Pilersuisup pisiniarfeqarfiginngisaanni aningaasanik inuit tunineqarput.