KNI A/S Naajaarmiunut ikiuuppoq

Ukiup taarnerpaaffiata nalaani Naajaat 53-inik inulik ippassaq december-ip 19-anni unnuakkut ataatsinut qiteqquttoq malerujussuarmik eqqorneqarpoq. Umiatsiallu arfinillit malissuarmit ajoquserneqarput.

Naajaani umiatsiat ulluinnarni atorneqarnerat pingaaruteqaqaaq. Sapaatip akunneranut arlaleriarlutik Innaarsunnut imaluunniit Upernavimmut pisiniarfiliartoqartarpoq. Naajaat aalisartoqarfiuvoq aammalu sikunnginnerani ukiuunerani qimminut nerukkaatissaminnik aalisartarput.

Nunaqqatit taamatut nalaataqartut annikitsunnguugaluartumik ikiorusuppavut, taamaattumik najugaqartut ilungersunartumik nalaataqarnerini KNI A/S inuuniarnermi pingaarutilinnik assigiinngitsunik tunissuteqarfigai.

Inuit eqqorneqartut arfinillit ukuninnga tunissuteqarfigineqarput:

  • Kiassarnissamut ikummatissaq nappartaq immikkut tamarmik ataaseq (gasolie imal. petroleum)
  • Qimminut nerukkaatissat poortakkaat tamarmik immikkut tallimat
  • Karsi juullimut nerisassanik tungusunnitsunillu imalik

naajat-630px-2.jpg

KNI A/S-ip tunissutaasa Upernavimmiit Naajaanut assartorneqarnerini Royal Greenland A/S akeqanngitsumik poca 770-iminik assartuisuuvoq, tamannalu tamanut qujanaqaaq.

Taamaalilluni juullilernerani suliffeqarfissuit marluk nunaqqatitsinnut inuiaqatigiinni akisussaaqataanerminnik takutitsipput, suleqatigiilluarnermikkut.

KNI A/S • J.M. Jensenip Aqq. 2 • 3911 Sisimiut
T +299 86 24 44 • E info@kni.gl