KNI-mi sulisoqarnermut pisortaq nutaaq

KNI A/S nutaamik sulisoqarnermut pisortartaarpoq, atorfinittorlu ilisamaneqarluartuuvoq 1. januar 2022 aallarnerfigalugu sulilissalluni.

Kista Kreutzmann, KNI-p akissarsialeriviani pisortaq - septembarimili sulisoqarnermut pisortaagallartoq - suliffeqarfissuarmi sulisoqarnermut pisortatut toqqagaavoq.

Pisortaaneq Jeppe Jensen oqaaseqarpoq: Nuannaarpunga Kista sulisoqarnermut pisortaarusulluni akuersisimammat. Kista aqutsisutut pikkorissuuvoq suleqatiminiillu ataqqineqartuuvoq suliaminut ilisimasaqarluarnermigut kinaassutsimigullu. Kista sulisoqarnermut pisortaagallarnermini, sulissutigisimavaa sulisoqarnermut immikkoortortaqarfiup ammanerunissaa saaffikkuminarnissaalu, Kista sulisoqarnermut immikkoortortaqarfimmut ineriartortitseqqissaaq KNI-mi sulisunut iluaqutaasussamut.

Kista Maniitsuminngaanneersuuvoq, sulisoqarnermullu immikkoortortaqarfimmut pitinnani, aningaasaqarnermut assigiinngitsutigut ukiorpassuarni suliaqartarsimalluni. Kista KNI-mi ukiuni 20-ini katillugu sulereersimavoq, suliffeqarfiullu immikkoortortaqarfiini aqutsisutut naatsorsuuserivimmi akissarsialerivimmilu atorfeqartarsimavoq kiisalu sulisoqarnermut immikkoortortaqarfimmi tullersortitut.

”KNI-mi sulisoqarnermut pisortatut toqqagaanera tulluusimaarutigeqaara, suleqatikkalu peqatigalugit sulisoqarnermut immikkoortortaqarfimmi suliassarpassuit aggersut ingerlannissaanik qilanaarpunga, aammalu KNI-p ineriartornissaanut peqataanissannut” Kista Kreutzmann oqarpoq.