KNI A/S kajumissaasiisoq

Ilisimatusarfimmi bachelorinngortumut karakteriginnerpaasumut KNI A/S Ilimmarfik suleqatigalugu ukiut tamaasa kajumissaasiisarpoq. Tamanna aamma ullumikkut pivoq.

Ilinniagaqarneq Nunatta ineriartorneranut siuarsaataavoq pingaarutilik, tamannarpiarlu pissutigalugu ilinniagaqarnissamut ilinniaqqinnissamullu kaammattuiuarnissani KNI A/S-ip pingaartitaraa.

Ilisimatusarfimmi ilinniartut allagartartaartinneqarneranni KNI A/S-ip kajumissaasiuttagaa siulersuisunut ilaasortamit Najaaraq Christiansen-imit tunniunneqarpoq. KNI A/S-ip Kajumissaasiuttagaa DKK 5.000-nik aningaasartaqarpoq.

Ukioq manna bachelorinngortuni karakteriginnerpaavoq Liv Molich, taanna upperisarsiorneq pillugu ilisimatusartuuvoq, agguaqatigiissillugu 11,1 karaktereqarluni.

"KNI A/S-imut ilinniarneq pingaaruteqarpoq, ilinniagaqarneq aqqutigalugu atugartuussuseq qaffasinnerulertarmat. Ilinniagaqarnikkut inuiaqatigiinni nalillit pinngortarput, nalillillu tamakku tamatsinnut tuttarput. Taamaappoq ilinniagaq sunaagaluarpalluunniit." KNI A/S-ip siulersuisuini ilaasortaq Najaaraq Christiansen kajumissaammik tunniussinermini ilaatigut taamatut oqaaseqarpoq.