KNI A/S Ilimanami malissuaqarnerani tapersiivoq

14-15. november 2019 anorersuarnerani siornatigut pisimanngisaannartumik Ilimanap sioraani malissuarujussuarnera aalisartut piniutaarsernerannik kinguneqarpoq.

Aalisartu pingasut aalisarnermut atortuutitik qassutit, ningittakka, puttaqutit, baaliat, dunkit annertuunik nalillit annaavaat.

Aalisartut KNAPK-mut ikioqqullutik saaffiginnissimagaluarput iluatsitsisimanatilli. Taakku aalisartut pingasut KNI-mut saaffiginnipput arlaatigut akikillisaavigineqarsinnaanerlutik.

KNI A/S (Pilersuisoq aamma Polaroil) nioqqutissanik ikummatissamillu pilersuinermik niuernermillu ingerlatsisuusoq pinerit tamaasa ajutoortoqarnerani eqqugaasoqarneraniluunniit ikiuutissalluni pisussaanngilaq aammalu KNI pisortaqarfiup akisussaaffiinik arsaartuisussaanngilaq. Taamaakkaluartoq ukiuni kingullerni KNI katersuiniarnerni peqataasalernikuuvoq, inuiaqatigiinni akisussaaqataaneq tunuliaqutaralugu.

Tamanna aallaavigalugu Ilimanami aalisartut eqqugaasut pingasut KNI-mit tunissuteqarfigivagut qassutinik, ningittakkanik, saarlisaartunik, dunkinik baalianillu.

Ove Johansen Inuusuttoq aalisartoq eqeersimaartoq aalisartoqatini marluk sinnerlugit qujassuteqarpoq. Ove oqaluttuarpoq tunisineq nukissanik nutaanik pilersitsisoq. KNI aaliangermat ikiuunniarluni Ove Qasigiannguanut qassutinik aallerpoq, saniatigullu qassutinik marlunnik nammineq pisilluni. 

Qasigiannguani niuertoq Kristian Lyberth KNI sinnerlugu aalisarnermik atortunik Ove Johansennimut Ilimanameersumut tunissuteqarpoq.