KNI ileqquusumik ataatsimeersuarpoq

Pingasunngornermi 14. august 2019 KNI A/S ileqquusumik ataatsimeersuarpoq. Piginnittut sinnerlugit Bestyrelsessekretariatimi pisortaq Lars Balslev peqataavoq.

Ataatsimeersuarnermi siulersuisut nalunaarutaat tusaatissatut tiguneqarpoq ukiumoortumillu naatsorsuutit 2018/19-imoortut akuerineqarlutik.

KNI-mi siulersuisut siulittaasuat Lars Borris Pedersen nalunaaruteqarnermini ilaatigut ima oqarpoq: ”Ukiumut angusat – akileraarut ilanngaatigereernagit 115,4 mio. kr.–nik sinneqartoornermigut ineriartorneq pitsaasoq ukiuni arfinilinni ingerlatani allanngortinnagu suliffeqarfissuup ingerlatiinnarsinnaallugu uppernarsarpaa. Ukiuni kingullerni KNI A/S aatsaat taama angusarissaartigaaq. Siulersuisuniit KNI-p pisisartui, sulisui suleqataalu tamaasa qutsavigivagut.”

Naalakkersuisut aallartitaat Lars Balslev-ip sulisut, pisortat siulersuisullu qutsavigai.

Ataatsimeersuarnermut inassutigineqartutut ataatsimeersuarnerup aalajangerpaa, piginnittunut DKK 20 mio.-it sinneqartoorutisiaritinneqassasut. Taakku saniatigut ukiumi naatsorsuuteqarfiusumi sulisut akileraarutaat 75 mio. kr.-iusut, kiisalu 29 mio. kr.-it selskabsskat inuiaqatigiinnut akiliutigineqarput.

KNI 1.000 missaanniittunut suliffissaqartitsivoq ukiumullu 170 mio. kr.–it naliginut sanaartornermut atortarlugit.

Siulersuisuni allannguutit
Siulittaasoq Lars Borris Pedersen, Annette Sadolin, Najaaraq Christiansen aamma Søren Jakobsen qinigaaqqipput.

Nammineq kissaatigalugu tunuarput Nationalbankimi pisortaasimasoq Bodil Nyboe Andersen aamma siulittaasup tullia Høgni Hansen.

Nutaatut qinerneqarput Lone Møller Olsen aamma Steen Montgomery-Andersen.

Upernaaq manna sulisut siulersuisunut sinniisissanik qinersisoqarpoq, tamatumunngalu atatillugu tunuarput Mikol Poulsen aamma Kristian Stach Olsen, Dorthea Isaksen ingerlaqqilluni. Nutaatut ilaasortanngorput Jonas Aronsen aamma Majaq Heilmann.

Deloitte, Statsautoriseret Revisionsaktieselskab, suliffeqarfissuup kukkunersiuisuisut qinerneqaqqipput.
KNI-p siulersuisuisa KNI-mi pisisartut, sulisut niuernikkullu suleqatigisat tamaasa qutsavigivaat.

Annerusumik paasisaqarniaraanni pisortaaneq Peter Grønvold Samuelsen attavigineqarsinnaavoq oqarasuaatikkut +299 55 37 03 imaluunniit e mail: pgs@kni.gl atorlugit.

Ukiumoortumik nalunaarut uani atuarsinnaavat.