Periusissiorluarnerup sulisullu pikkorissut kingumut KNI angusarissaarteqqippaat

(Assimi saamerlneriit: Per Jensen, Søren Jakobsen, Bodil Nyboe Andersen, Høgni Hansen, Lars Borris Pedersen, Peter Grønvold Samuelsen, Annette Sadolin, Jan H. Lynge-Pedersen, Mikol Poulsen, Dorthea Isaksen, Najaaraq Christiansen aamma Kristian Stach Olsen.)

Ukioq naatsorsuuteqarfiusoq 2018/19 ukiuuvoq KNI-mut ineriartorfioqqittoq angusarissaarfiusorlu, suliffeqarfissuup periusissiaminik siunniussaqarluni anguniagaqarneranut naapertuuttumik.

Periusissiaq Killingusaaq tunaartaralugu sulinermi KNI-p niuernikkut toqqammavia patajaallisarneqaqqissimavoq periusissiami anguniagassat piviusunngortissinnaanerinut toqqammavissiissumik.

KNI A/S akileraarutit suli ilanngaatigineqannginneranni DKK 115,4 mio.-nik sinneqartoornermigut siornatut amerlatigeqqissaartunik sinneqartoorpoq. Ukiunik kingullerni KNI aatsaat taama angusarissaartigaaq.

Ukiumoortumik angusaq
Ukioq naatsorsuuteqarfiusoq kingumut KNI-mut aningaasaqarnikkut patajaallisaanermut atorneqaqqippoq, suliffigissaanermut, pisisartunillu qitiutitsinissamik ”kalaallit inuunerannik ilorlermik” pingaartitsillunilu ataqqinninnermik tunngaveqartumik suliffeqarfimmik ingerlatsinisssamik pingaartitsiffiulluni.

Periusissiaq Killingusaaq ukiuni kingullerni marlunni aqqutigalugu suliffeqarfissuup aningaasaqarnera nukittoriartinneqaqqissimavoq, tamatumunngalu peqatigitillugu suliffeqarfissuarmik naleqarnerulersitsineq ataqatiigiissaarneqarluarsimasorlu sulisut akornanni paasitilluarneqarsimalluni.

Akileraarut ilanngaatigereerlugu angusat DKK 78 mio.-iupput. Nammineq aningaasaatit (egenkapital) DKK 1.183 mio.-niupput. Taamaalilluni naqissuserneqarpoq KNI suliffeqarfissuusoq aningaasatigut patajaatsumik inissisimasoq.

Sanaartukkat
Suliffeqarfissuup aningaasarsissaarnissaa pingaaruteqarluinnarpoq sanaartukkat pisoqalisut aserfallatsaaliortuarneqarnissaannut akissaqassagaanni; tamannalu Pilersuisoq Polaroil-iluunniit eqqarsaatigalugit atuuppoq.

Nioqqutissanik pilersuinerup iluani sanaartukkat aserfallatsaaliorneqarnissaannut kinguaattoorutit DKK 270 mio.- it missaanniipput, Polaroil-imilu aserfallatsaaliuinissamut kinguaattoorutit DKK 145 mio.-it missaanniillutik. Aningaasalersugassat taama annertutigisut isumagineqassappata pisariaqarluinnarpoq KNI-p sinneqartooruteqarluni ingerlanneqarnissaa, aningaasaateqanngikkaannimi sanaartortoqarsinnaanngimmat.

Aserfallatsaaliuineq kisiat aningaasalersorneqartussaanngilaq, aammattaarli nutaaliorneq akissaqartinneqartariaqarluni. Ukiumi qaangiuttumi DKK 154 mio.-it sanaartornermut atorneqarsimapput. Ukiuni aggersuni ukiumut DKK 170 mio.-it sanaartornermut atorneqarnissaat naatsorsuutigineqarpoq.

Ukiumoortumik angusaq
Ukioq naatsorsuuteqarfiusoq kingumut KNI-mut aningaasaqarnikkut patajaallisaanermut atorneqaqqippoq, suliffigissaanermut, pisisartunillu qitiutitsinissamik ”kalaallit inuunerannik ilorlermik” pingaartitsillunilu ataqqinninnermik tunngaveqartumik suliffeqarfimmik ingerlatsinisssamik pingaartitsiffiulluni.

Periusissiaq Killingusaaq ukiuni kingullerni marlunni aqqutigalugu suliffeqarfissuup aningaasaqarnera nukittoriartinneqaqqissimavoq, tamatumunngalu peqatigitillugu suliffeqarfissuarmik naleqarnerulersitsineq ataqatiigiissaarneqarluarsimasorlu sulisut akornanni paasitilluarneqarsimalluni.

Akileraarut ilanngaatigereerlugu angusat DKK 78 mio.-iupput. Nammineq aningaasaatit (egenkapital) DKK 1.183 mio.-niupput. Taamaalilluni naqissuserneqarpoq KNI suliffeqarfissuusoq aningaasatigut patajaatsumik inissisimasoq.

Sanaartukkat
Suliffeqarfissuup aningaasarsissaarnissaa pingaaruteqarluinnarpoq sanaartukkat pisoqalisut aserfallatsaaliortuarneqarnissaannut akissaqassagaanni; tamannalu Pilersuisoq Polaroil-iluunniit eqqarsaatigalugit atuuppoq.

Nioqqutissanik pilersuinerup iluani sanaartukkat aserfallatsaaliorneqarnissaannut kinguaattoorutit DKK 270 mio.- it missaanniipput, Polaroil-imilu aserfallatsaaliuinissamut kinguaattoorutit DKK 145 mio.-it missaanniillutik. Aningaasalersugassat taama annertutigisut isumagineqassappata pisariaqarluinnarpoq KNI-p sinneqartooruteqarluni ingerlanneqarnissaa, aningaasaateqanngikkaannimi sanaartortoqarsinnaanngimmat.

Aserfallatsaaliuineq kisiat aningaasalersorneqartussaanngilaq, aammattaarli nutaaliorneq akissaqartinneqartariaqarluni. Ukiumi qaangiuttumi DKK 154 mio.-it sanaartornermut atorneqarsimapput. Ukiuni aggersuni ukiumut DKK 170 mio.-it sanaartornermut atorneqarnissaat naatsorsuutigineqarpoq.

Piginnittut sinneqartoorutisiaat akileraarutillu
KNI-p piginnittui – Namminersorlutik Oqartussat – isumaqatigiissuteqarfigalugit sinneqartoorutit ilaat DKK 20 mio.-it piginnittunut sinneqartooruteqarnersiutisiassatut immikkoortinneqarput.

Ukiumi naatsorsuuteqarfiusumi 2018/19-mi KNI-mi sulisut akileraarutaat DKK 75 mio.-it pisortat karsiinut utertippaat, kiisalu selskabsskat DKK 29 mio.-it akilerlugit.

Sulisunut, pisisartunut suleqatinullu qujanaq
Siulersuisut ulluinnarnilu aqutsisut suliffeqarfissuup sulisui pikkorissut piumassuseqarluartullu tamakkerlugit qutsavigaat angusarissaarnermut, taamatuttaarlu suliffeqarfiit suleqatigisat, minnerunngitsumillu pisiniartartuvut qujanarsuaq.